Qraffiti ilə məşğul olan insanlar bizi heyrətləndirməyə davam edirlər. Doğrudur, kimsə deyi bilər ki, qraffiti şəhərin xarici görünüşünü daha çox korlayır, nəinki bəzəyir. Nə deyə bilərik – belə də olur. Lakin qraffiti rəssamlarının arasında elələri də var ki, öz imzasını qoymaqla bərabər, şəhər mənzərəsinə bir az rəng və gözəllik də qatır.

Şəhərin isə gözəllikdən başqa yaşıllıq və bitkilərə ehtiyacı var. Ona görə də bu gün Avropada bu kimi qraffitilərə rast gəlmək olar:

Gözəldir, elə deyilmi? Bilmək istəyirsiniz bu necə alınır? Çox sadə.

İstənilən ağacda bitən mamırdan bir az yığın, onu yaxşıca yuyun.

Yoqurt və ya başqa süd turşusu məhsulu, şəkər və su əlavə edin. Hamısını qarışdırın.

Sonra bu qarışığa  mamırları əlavə edin və ehtiyatla qarışdırın. Əks halda, mamırları məhv edə bilərsiniz. İndi isə fırçanı əlinizə alın və çəkin.

Yadınızda saxlayın ki, belə qraffitilər üçün daha çox kələ-kötür və ya aşılanmamış səthlər uyğundur. Bir də rəsmlərinizə vaxtaşırı düzəliş verməyi unutmayın. Əks halda, onlar böyük yaşıl bir ləkəyə çevriləcəklər.