Bakıda "ADDIM" gənclər təşkilatı tərəfindən Azərbaycan tarixinin unudulmaz səhifəsi olan 20 yanvar hadisələrinin 25 illiyinə həsr olunmuş "Mənim 25 yaşım var!" layihəsi təqdim olunub.

Layihə çərçivəsində 25 yaşı tamam olmuş gənclər Şəhidlər Xiyabanını ziyarət edərək, 20 Yanvar şəhidlərinin xatirəsini yad etmişlər. Layihə iştirakçıları şəhidlərin xatirəsini bir dəqiqəlik sükutla yad etmiş, onların məzarları üzərinə qərənfillər qoymuş və qeyd etmişlər ki, 1990-cı ilin 20 yanvarı xalqımızın azadlıq mübarizəsi və Azərbaycanın ərazi bütövlüyü tarixinə əbədi olaraq qəhrəmanlıq səhifəsi kimi yazılmışdır. Abdulla Şaiq adına Kukla teatrının gənc tamaşaçıları isə bu faciyəvi gündə həlak olmuş vətəndaşlarımızın sayına uyğun olaraq, havaya 132 qara şar buraxmışlar. "Mənim 25 yaşım var!" layihəsi sosial şəbəkələrdə davam etdiriləcək.

via trend.az