Milli Məclisin yaz sessiyasında "Azərbaycanın muğam sənətinin inkişafı və qorunmasına dair" qanun layihəsinin irəli sürülməsi planlaşdırılır. Bu haqda parlamentin mədəniyyət üzrə komitəsinin sədri Nizami Cəfərov Trend-ə bildirib.

Onun sözlərinə görə, Heydər Əliyev fondunun dəstəyi ilə UNESCO-da böyük işlər görülmüş və muğamın beynəlxalq əhəmiyyəti xeyli yüksəlmişdir. Bundan başqa, muğam UNESCO-nun mənəvi dəyərləri sırasına daxil edilmişdir. "Biz istəyirik ki, görülmüş işlər qanunvericilik səviyyəsində qeyd olunsun. Buna ehtiyac var. Çünki muğam bizim mənəvi dəyərimizdir" - deyərək, Cəfərov bildirib.

via trend.az