Şimali Dakota hindularının adətləri
Hindular 15 yaşlı yeniyetmələri asaraq, sinə əzələləri nahiyəsini taxta çubuqlarla deşirdilər. Üstəlik, yük də asırdılar. Belə vəziyyətdə gənc oğlanlar bir sutka asılı qalmalı idilər. Çox vaxt, bir neçə saatdan sonra onlar huşlarını itirirdilər. Mərasim Okipa adlanırdı.
Vanuatu adasının adəti
Bu haqda çoxlarınız eşitmisiniz. 20-30 metrlik taxta şalban qurulur və gənclər onun başına çıxaraq, ayaqlarını lianalarla bağlayır və aşağı atlayırlar. Bəzən ipin uzunluğunu hesablamaq çətin olur və sınaq ölümlə nəticələnir. Çünki lianalar dartıla bilirlər. Taxta şalban isə yana əyilə bilir.
İlk qətl
Spartalılar çox sərt oğlanlar idilər. Yunanlar bizə bu haqda kifayət qədər danışıblar. Son ekranizasiyalar da, həmçinin. Kişi sayılmaq üçün isə spartalı qətl törətməli idi. Bu həm qul, həm də yoldan keçən insan ola bilərdi.
Öz əlləri ilə şiri öldürmək
Masai qəbiləsi dünyada ən tanınmış qəbilələrdən biridir. Burada elit ovçular sırasına daxil olmaq böyük şərəfdir. Bunun üçün isə ovçu şiri öldürməli idi. Şiri silahsız, öz əlləri ilə öldürən ovçular ustaların ustası hesab edilirdi. Doğrusu, buna inanmaq bir qədər çətindir.
Yaddaşın silinməsi
Cənubi Amerikanın bəzi qəbilələri narkotik bitkilər və hallusinogen otlardan hazırladığı pastanı gənclərə yedirirlər. Böyük miqdarda narkotik oğlanların beyninə uşaqlıq xatirələrini siləcək qədər güclü zərbə kimi hesablanır.
Qarışqa sancması
Amazoniyanın Kater-Mave qəbiləsinin oğlanları kişilik məktəbindən belə keçir. Amazoniya çoxsaylı qarışqalarla zəngindir. Bəzilərinin də zəhəri ölümcül də olmasa, kifayət qədər ağrılı olur. Belə qarışqaları əlcəklərin içinə yerləşdirərək, gənc oğlanların əlinə geyirlər. Oğlanlar bir neçə günlük cəhənnəm əzabı ilə təmin olunmuş olurlar.
