C.Cabbarlı adına "Azərbaycanfilm" kinostudiyasının direktoru, prodüser Müşfiq Hətəmov Hindistanın Puna şəhərində keçirilən 13-cü Beynəlxalq kinofestivalda "Nabat" bədii filminə görə münsiflər tərəfindən "Xüsusi Vurğulama" mükafatına layiq görülüb.
"Nabat" bədii filmi C. Cabbarlı adına "Azərbaycanfilm" kinostudiyasında Mədəniyyət və Turizm Nazirliyinin sifarişi ilə çəkilib.
Ssenari müəllifləri - Elxan Nəbiyev, Elçin Musaoğlu, quruluşçu operator - Abdulrəhim Beşarat, quruluşçu rəssam - Şahin Həsənli, bəstəkar - Həmid Sabet, icraçı prodüser - Arif Səfərov, filmin prodüseri - Müşfiq Hətəmovdur.
Filmdə Fatima Motamed Arya, Vidadi Əliyev, Ramin Zeynalov, Sabir Məmmədov, Fərhad İsrafilov, Rəhilə Məmmədova, Rövşən Ağayev və Həsənağa Səfərov çəkilmişlər.
