Bethoven özündən sonrakı bəstəkarlara, eyni zamanda da fortepianoda ifa tərzinə güclü təsir göstərmişdir. Dahi bəstəkar həm də virtuoz ifaçı idi. Məhz o, fortepianonun bir musiqi aləti kimi bütün qüvvəsini aşkarlamışdı. Kilsədə kapelmeyster olan atası onu ikinci Motsart etmək istəyirdi. Amma bu şöhrəti təkrarlamaq mümkün olmadı.
17 yaşında ikən bəstəkar Vyanaya, Motsartın tələbəsi olmağa gedir. Əvvəlcə Bethoven çox həyəcanlanır və onun ifası Motsartın xoşuna gəlmir. Lakin sonra o, öz improvizasiyasını ifa edir və Motsart: "O, hər kəsi özü haqda danışmağa məcbur edəcək!" - deyir.
Təəssüf ki, anasının ölümü onu doğma şəhərinə qayıtmağa vadar edir. Pianoçu-virtuoz başqa bir tanınmış bəstəkar - Haydndan dərs almaq qərarına gəlir. Əvvəlcə Haydn gənc bəstəkarın işlərini çox bəyənor. Lakin Bethoven ondan heç nə öyrənə bilmir. Haydnı isə tələbəsinin novator ideyaları qorxudur. O, Bethovenə yazır: " Sizin musiqiniz gözəldir, hətta əsrarəngizdir. Lakin orda-burda tutqunluqlar, qaranlıqlara rast gəlinir. Siz özünüz də bir qədər qəribəsiniz. Musiqiçinin tərzi isə - həmişə onun özüdür".
Buna baxmayaraq, Bethoven ən populyar bəstəkar olur. O, o qədər tanınır ki, iqtidar haqqında açıq-açığına bölüşdüyü fikirlər belə cəzasız qalır. Çoxları onu ölüm hökmü ilə hədələyir. Lakin hakimiyyət tanınmış bəstəkara toxunmur.Н
36 yaşında bəstəkar eşitmə qabiliyyətini itirməyə başlayır. Amma məhz eşitməsini itirdikdən sonra Bethoven momumental əsərlərini yazır - Üçüncü simfoniya, Təntənəli messa, Simfoniya №9 və başqaları.
Bethovenin bir neçə şagirdi var idi. Ən yaxşılarından biri Karl Çerni idi. Lakin Çerni deyil, onun şagirdi olan List bethovenin ifa tərzini mənimsəmişdi.
Balaca Listin konsertini dinləyən Bethoven bu oölanda gələcək dahini tanıya bilir. Konsertdən sonra o, Lisi ata kimi alnından öpür, List isə bu konserti son gününə kimi yadda saxlayır. İllər sonra List Bethovenin doğma şəhərini ziyarət edir. Burada onun heykəlini quraşdırmaq istəyirlər. Lakin iş ölü nöqtəsindən tərpənmir. Bu halda List həyəcanla Berlioza yazır: "Bu biabırçılıqdır! Belə sədəqəyə dahi Bethovenə heykəl ucaltmaq olmaz. Bu belə olmamalıdır!" List öz konsertlərindən yığılan vəsaitdən heykəlin qoyulmasına pul ayırır. Yalnız bundan sonra dahi Bethovenin heykəli qurulur.
