Yanvarın əvvəlində baş beynin xəritəsinin hazırlanmasına həsr olunmuş EyeWire oyununun moderatorları bəyan etdilər ki, onlar 250-ci neyronun müayinəsini başa çatdırmışlar.

Bu nə deməkdir və nəyə lazımdır? Bu araşdırmalar beynimizin dəqiq rəqəmsal əksinin yaradılması üçün həyata keçirilir. Belə əks bizə nə verəcək? Ölümsüzlük. İnsan neçə dəfə ölsə də, onu həyata qaytarmaq mümkün olacaq. O öz həyatını "Transcendence" filmində olduğu kimi, rəqəmsal formatda davam etdirə biləcək. 

Axı bizim beynimiz - elə biz özümüzük. Lakin insanı vahidlər və sıfırlar şəklində təsvir etmək üçün milyardlarla neyronlar və trilyardlarla sinapsları skan etmək lazımdır. Odur ki, insan gözünü tədqiq edən bu alimlərin gördüyü iş gələcəyə doğru atılmış kiçik addımdır. Müqayisə üçün qeyd edək ki, bu sahədə Nobel mükafatı almış Sidney Brener ömrünün 20 ilini həlqəvi qurdun 302 neyronu və minlərlə sinapsının öyrənilməsinə həsr etmişdir. Amma o, tək idi. Ona görə də alimlər, istənilən insanın qatılaraq, layihəyə yardım edə biləcəyi oyun kəşf ediblər.

Beynin xəritəsini tərtib etmək inanılmaz dərəcədə mürəkkəb bir işdir. Bu mümkün olsa, insanın ölümsüzlüyü ilə bağlı uzun müddət arzulanan layihələr həqiqətə çevrilə biləcək.