Cakomo Puççini bəşəriyyətin ən parlaq opera bətəkarlarından biridir. Onun operaları dünyanın ən məşhur teatrlarında səhnəyə qoyulur, onlar hətta klassik musiqi ilə yaxından tanış olmayan insanlar tərəfindən də tanınır.
Cakomonun ailəsi əsrlər boyu musiqi ilə məşğul olurdu. Beş yaşında uşağı əmisinin yanına göndərirlər. Əmisi onu istedadsız və itaətsiz hesab edirdi. Hər səhv nota görə əmisi Cakomonu ayağına vurduğu güclü zərbə ilə mükafatlandırırdı. Nəticədə, gələcəkdə hər səhv not eşidən zaman onun ayağında ağrı yaranırdı.
İlk dəfə opera bəstəkarı olmaq qərarını Puççinini "Aida" operasının gətirdiyi şöhrətdən sonra qəbul edir. Puççini bu haqda belə deyirdi: "Tanrı çeçələ barmağı ilə mənə toxundu və dedi ki, yalnız və yalnız teatr üçün yaz".
Müəllifi tanıdan ilk opera "Manon Lesko" olur. Lakin dünya şöhrəti ona "Bogema"-dan sonra gəlir. Buna baxmayaraq, dünya tənqidçiləri bu operaya birtərəfli mövqe bildirmirdilər. Tənqidçidən biri yazırdı:" "Bogema" musiqi tarixində heç bir iz qoymayacaq. Müəllif bu əsərini səhv hesab edə bilər". Müəllifi dəstəkləmək üçün isə bir qəzet belə yazmışdı: "Maestro, əgər siz bu əsərlə nöqtə qoymadınızsa, mən sənətimi dəyişib salyami satıcısı olacağam".
20-ci əsrin əvvəlində skandal baş veriri - bəstəkarın qısqanclıqdan əziyyət çəkən xanışı onu xidmətçi ilə sevgi macərası yaşamaqda günahlandırır. Xidmətçi də həyatına qəsd edir. Onların arasında həqiqətən də, sevgi münasibətləri vardımı - məlum deyil.
"Bogema"-dan sonra "Toska" bəstələnir. Teatrın primadonnasının göstərdiyi təzyiq altında Puççini əsas qəhrəmanın partiturasına dəyişiklik edir və "Vissid`arte" ariyasını yazır. Lakin, əlbəttə ki, bəstəkarın ən tanınan operalarından biri "Çio-Çio-San" olur. Güclü ifaçı tərkibinə baxmayaraq, opera uğur qazanmır. Dostları müəllifi əsəri yenidən işləməyə və solisti dəyişməyə məcbur edirlər. Növbəti premyera bəstəkarın triumfuna səbəb olur.
Puççinin son əsəri - "Turandot" bitirilməmiş qalır. Dostu və böyük dirijor olan Artur Toskanini Puçininin son notları bitən hissədə çubuğunu kənara qoyub deyir: "Burda ölün bəstəkarın işini yarımçıq qoydu və o, operanı bitirə bilmədi".
