1949-cu ildə Nilsen aktyorluq sənəti dərsləri alır və Nyu-Yorka köçür. Əvvəlcə o, dramatik aktyor olmağa can atır. Lakin epizodik rollardan irəliyə gedə bilmir. Ömrünün 20 ilini belə keçirən aktyor, 70-ci illərin sonunda ampluasını tam dəyişiriək komik olmaq qərarına gəlir. Onun uğuru “Aeroplan” filmindən sonra başlayır.

Sonra bir sıra seriallara çəkilir, onu televiziya şoularına dəvət etməyə başlayırlar. Lakin həqiqi uğuru ona “Çılpaq silah” filmi gətirir. Bu film xəfiyyə filmlərinə, o cümlədən, Cems Bond haqqında filmə parodiya olmaqla yanaşı, kinoparodiyanın etalonuna çevrilir.

Sonradan “Mistar Maqu”, “Altıncı element”, “Çox qorxulu film 3” və başqa filmlərdə çəkilir.

Lesli Nilsen bizim xatirimizdə yumor səhnələrini və marazmatik sayıqlamanı birləşdirən  əvəzolunmaz komik kimi qalacaq.

Aktyor 2010-cu ilin bu günü – 28 noyabrında dünyasını dəyişmişdir.