Deyilənə görə, iş həyatında yüksəlmək istəyirsənsə, öküz sürüsü kimi çalışmalısan. Bir dəqiqə belə avaralanmaq olmaz – müdir həmişə iş başında, həmkarların da qulaqlarını, gözlərini dörd açıblar. Amma əmək insana sevinc bəxş etməlidir. Ona görə də, sizə Sauronun hər şeyi gözünü aldadaraq, işi boş buraxmanın, bunula belə karyera yüssəlişinə ilk namizəd olaraq qalmağın sirlərini təqdim edirik.
İşguzar
Bir-iki köhnə təlimat tapın və heç yerə (Eşidirsiz? Heç yerə!) onlarsız getməyin. Onları özünüzlə yeməkxanaya, mühasibatlığa, hətta iclaslara belə aparın. Təlimatları oxuyan təsiratı yaradın, əslində isə istədiyiniz qədər mənasız vaxt keçirin. Müdiriniz soruşsa ki, nə ilə məşğulsunuz, deyin ki, sizin təhsilinizə xərcləyəcək olduğu pulları müdiriniz üçün qorumağa çalışırsınız.
Məşğul
Stolunuzun üstündə səliqəsizlik yaradın. Birincisi, qovluqların arxasında mürgüləmək daha rahatdır, ikincisi, bu, sizin daima məşğul olduğunuz təsiratını yaradacaq. Işdir, əgər müdiriniz otağa baş çəksə, siz yereşən kimi “lazımi” sənədi axtarmağa başlayın. Müdiriniz sidən bezib, gedənə qədər.
Həvəs dolu
Avtocavabçı quraşdırın və qoy zəng vuranlar ürəklərini cansız robota boşaldsınlar. Yalnız ən vacib zənglərə cavab verin. Amma bunu ya nahar vaxtı, ya da iş gününün sonunda edin ki, zəng vurduğunuz adamı yerində tapmayasınız. “Necə yəni zəng vurmamışam? Vurmuşam! Hansı nahar? Həvəs dolu insanlar yeməksiz və yuxusuz çalışırlar”.
Cəlb olunmuş
Hər zaman bir az təlaşlı görünməyə çalışın. Sanki hansısa iş məsələsi ilə əlaqədar narahat və ya bikefsiniz. Printerdə kartricin olmamasına və ya neftin qiymətinin düşməsinə. Müdriyyət gözlərində qığılclm, qəlbində titrəmə olan işçiləri sevir.
Əməksevər
Evə müdirdən əvvəl getməyi ağlınızdan belə keçirməyin. Əyləşin və sakitlikdən həzz alın. Məmnuniyyətlə film izləyə, rəfiqənizlə yazışa, sendviçinizi yeyə bilərsiniz. Eyni zamanda, siz əməksevər işçi təsiratı yaratmış olacaqsınız. Bəziləri düşünür ki, müdriyyət çox işləyənləri sevmir. Bu yanlış fikirdir. Sizin əməksevərliyiniz rəhbərliyin ürəyinə yağ kimi yayılır.
Kreativ
Kimsə novator bir ideya irəli sürəndə çoxmənalı şəkildə köks ötürün və ya susun. Sanki sizin daha maraqlı fikirləriniz var, amma siz hələ onu təqdim eləməyə hazır deyilsiniz. Birbaşa suallara cavab verməyin, “utanaraq” deyin ki, kifayət qədər yoxlanılmış məlumata malik deyilsiniz. Qoy hamı düşünsün ki, siz bu gün-sabah Nyutonun binomunu kəşf edəcəksiniz.
Aktiv
Tez-tez ofisdənkənar danışıqlara, sərgilərə, konfranslara və sizə minimum yarım gün iazadlıq verəcək başqa tədbirlərə getmək üçün icazə alın. Dir topa vizit kartı və üç kataloq müdirinizi əmin edəcək ki, siz həqiqətən də pavilyonlarda olmusunuz, bilyardxanada yox.
Qeyri-laqeyid
Qeyri-iş zamanınızın beş dəqiqəsini sərf etsəniz, müdirin sevimlisinə çevrilirsiniz. Elekrton ünvanınızdan istirahət günləri göndərilən istənilən məktub sizin şansınızdır. Bu, profil jurnalından bir məqalənin linki və ya “iclas nə vaxtdır?” sualı ola bilər – vacib deyil. Müdir xoşbəxtdir. Sizin şanslarınız artır.
İntellektual
Az məlum sahədən ona yaxın termin, bir neçə ağıllı sitat və siz həmkarlırınızın gözündə nüfuz qazanacaqsınız. Əsas odur ki, heç vaxt “mən bilirəm” deməyin. “Mən, əlbəttə ki, bilirəm, amma dəqiqləşdirmək istərdim” – bu sizin standart cavabınız olmalıdır.
Ehtiyatlı
Siz məhz beləsiniz. Əlbəttə, əgər səhvən bu mətni müdirinizə və həmkarlarınıza göndərməsəniz.
