Fevralın 3-ü Azərbaycan Dövlət Opera və Balet teatrında Azərbaycanın xalq artisti, professor, görkəmli ictimai xadim Polad Bülbüloğlunun 70 illiyinə həsr olunmuş "Məhəbbət və ölüm" baletinin yeni quruluşunun premyerası olacaq.
Bəstəkarın "Məhəbbət və ölüm" baleti ilk dəfə 2005-ci ildə Bakıda səhnəyə qoyulmuşdur. Quruluşçu- baletmeyster Vyana Balet Akademiyasının professoru, baletmeyster Vakil Usmanov, quruluşçu rəssam - Azərbaycanın xalq rəssamı Rafis İsmayılov olmuşdur.
"Kitabi Dədə Qorqud" dastanı əsasında yazılmış "Məhəbbət və ölüm" baleti daimi həyat-ölüm suallarını, dosluq, məhəbbət, insanın doğmaları, vətən, özü qarşısında borcu suallarını qaldırır. Balet təkcə nominal deyil, həmçinin daimi həyat kitabı əsasında yaradılmış real əhvalatları əks elətdirir.
Baletin Bakı premyerası böyük uğur qazanmışdı. Elə həmin 2005-ci ildə Akademik Opera və Balet Teatrının balet truppası tamaşanı Mariinski adına Sankt-Peterburq Akademik Opera və Balet Teatrında, daha sonra Moskvada Böyük Teatrın səhnəsində nümayiş etdirmişdi.
