Bir neçə gündür ki, bizə soyuq hava və qar söz verirlər. Yeri gəlmişkən, nəyə görə qar dənəcikləri həmişə altıbucaqlı olur? Ümumiyyətlə, qar dənəcikləri necə əmələ gəlir?

Qar dənəciklərinin özü su buxarının aşağı temperaturda kristallaşması nəticəsində meydana gəlirlər.

Amma qar dənəciyi hər zaman düzgün quruluşa malik olmur. Temperatur çox aşağı olanda qar dənəcikləri konus, kvadrat və çubuq formasını alırlar. Onların altıbucaqlı forması isə suyun molekulyar strukturu ilə əlaqədardır. Altıbucaqlı fiqurların müxtəlifliyi isə havanın nəmlik dərəcəsindən və donmanın hansı temperaturda baş verdiyindən asılıdır.

Su damlasında olduğu kimi, qar dənəciyinin də yaranması üçün əsas - toz hissəcikləridir. Onların ətrafında kristal formalaşır.

Qar dənəcikləri təkcə adi insanları maraqlandırmır. Hələ 1611-ci ildə İohan Kepler "Altıbucaqlı qar dənələri haqqında" traktat yazmış, Robert Huk isə mikroskop vasitəsilə onların ilk təsvirlərini yaratmışdır. Qar dənəciklərinin ilk fotosu 1885-ci ildə amerika fermeri Uilson Bentli tərəfindən çəkilmişdir. Onu işini fizik Ukixiro Nakaya və Kennet Libbrext davam etdirmişlər. Nakaya hətta süni yolla qar dənəcikləri hazırlamaq üçün laboratoriya da tikmişdir.