Salam, əziz dostlar! Mən, fud-bloger İlia Məmmədovayam və mənim kiçik, amma çox maraqlı bir elanım var! Bu gündən etibarən, mən sizinlə sevimli yeməklərimizinREDMOND 250 multivarkasına uyğunlaşdırılmış resepləri ilə bölüşəcəyəm.

Düzünü desəm, muıtivarka ilə işləməyə başlamazdan əvvəl düşünürdüm ki, axı illərdir istifadə etdiyimiz sobalar, qazanlar, tavalar olan yerdə bu maşınlar nəyə lazımdır?

Konservator olduğum üçün tamamilə onları qəbul etmirdim, amma son ayda üzərimə düşən toy hazırlıqları ilə əlaqədar zamanımın heç nəyə yetmədiyini anladıqdan sonra tamamilə başqa cür fikirləşdim...

O qədər fərqli düşündüm ki, sizinlə də bu fikirlərimi əhvalatlar, reseptlər, instruksiyalar və şəkillər vasitəsilə bölüşmək qərarına gəldim. İlk yazımı da milli mətbəximizdən olan yeməyə həsr etməyimin səbəbi, nəinki yeməklərin multivarkaya uyğunlaşdığını, hətta multivarkanın da bizim milli yeməklərimizə uyğunlaşdığını göstərmək idi.

Bunu sübutu isə bugünki məqaləmizin qəhrəmanı – Səbzi-qovurma olacaq!

Lazım olan məhsullar (4 pors üçün):

-           450 qr ət ( bu həm quzu, həm də dana əti ola bilər; məndə ikincidir)

-           8 dəstə göyərti ( kəvər – 3 dəstə, göy soğan – 2 dəstə, ispanaq – 1 dəstə, keşniş – 1 dəstə, şüyüd – 1 dəstə)

-           1 böyük baş soğan

-           100 qr kərə yağı (əridilmiş varsa, lap yaxşı)

-           duz, istiot

Hazırlanması:

1. İlk olaraq, hazırlıq işləri:

-           göyərtini təmizləyib, bir neçə dəfə suyunu süzməklə yuyuruq.

-           əti piy və damarlardan azad edirik, yuyuruq, kağız salfetlə quruduruq və xırda tikələrə bölürük.

-           baş soğanı təmizləyirik, yuyuruq və xırda dördbucaq hissələrə doğrayırıq.

2. Əvvəlcə biz əti qaynatmalıyıq. Bunu üçün biz « ВАРКА/БОБЫ » proqramından istifadə edirik.

-           Ət tikələrini multivarkanın qabına bərabər paylaşdırıb, üzərinə qabın daxilindəki maksimal həddən çox olmayaraq, su əlavə edirik. Qabı maşının korpusuna yerləşdiririk. Qapağını kip bağlayıb, cihazı elektrik şəbəkəsinə qoşuruq.

• «МЕНЮ» düyməsini basırıq və «+» и «-» düymələri vasitəsilə (onlar naviqasiya məqsədi daşıyır) «ВАРКА/БОБЫ» proqramını seçirik.

•  

  «ОК» düyməsini basırıq və hazırlanma vaxtını lazım olan zamanı ayarlayırıq. Maşında bu vaxt qayda olaraq, 40 dəqiqə təşkil edir, lakin əgər siz səbzini dana/mal ətindən hazırlayırsınızsa, bişmə vaxtını daha 20 dəqiqə artırmağınız məsləhət görülür.

• «СТАРТ/АВТОПОДГРЕВ» düyməsini sıxırıq və saxlayırıq. Hazırlanma proqramı işə başlayacaq, displeydə bişmənin sonuna qədər qalan vaxt və hazırlanma prosesinin indikatoru görsənəcəkdir.

  Bir saatlığına əti unudub, başqa işlərimizlə məşğul oluruq. Yalnız yarım saat sonra multivarkanın ağzını açıb, ət suyunun üzərində əmələ gəlmiş köpüyü yığırıq. Proqram başa çatdıqda, siqnal səsi eşidiləcək və indikatorlar sönəcəkdir. Bu o deməkdir ki, ətimiz hazırdır.

  Ətimizi dərin boşqaba keçiririk, multivarkanın qabını isə yuyub, korpusuna yerləşdiririk.

3. Bundan sonra biz əti və soğanı qovurmalıyıq. Bundan ötrü isə biz «ЖАРКА» proqramına müraciət edəcəyik.

• Doğranmış soğanı və kərə yağının yarısını multivarkanın qabına keçiririk.

• «МЕНЮ» düyməsini basıb, «ЖАРКА» proqramını seçirik, «ОК» düyməsini basırıq və hazırlanma vaxtını ayarlayırıq (bizim halda, 15 dəqiqə). «СТАРТ/ АВТОПОДГРЕВ» düyməsinə basırıq. Multivarkanın qapağını açırıq və soğanı açıq qapaqla qızardırıq.

• 5 dəqiqədən sonra kərə yağının qalan hissəsini, qaynanmış əti də əlavə edib, daha 10 dəqiqə REDMOND 250 multivarkasının yastı qaşığı ilə qarışdıraraq, qızartmağa davam edirik.

P.S. Əgər hazırlanma prosesində siz ətin soğanla daha tez qovrulacağını görür və ya əksinə, qovrulma üçün daha çox vaxta ehtiyac olduğunu hiss edirdinizsə, siz istədiyiniz an «ПОДОГРЕВ/ОТМЕНА» düyməsindən istifadə etmədən və proqramı yenidən işə salmadan hazırlanma vaxtını dəyişə bilərsiniz.

4. «ТУШЕНИЕ» proqramından istifadənin tam zamanıdır.

• Ətlə soğanın qovrulduğu qaba xırda doğranmış göyərtini əlavə edirik və multivarkanın qapağını bağlayırıq.

• «МЕНЮ» düyməsini basıb, «ТУШЕНИЕ» proqramını seçirik, «ОК» düyməsinə basırıq, hazırlanma vaxtını ayarlayırıq(25 dəqiqə) və «СТАРТ/АВТОПОДГРЕВ» düyməsini sıxaraq, proqramı işə salırıq.

  P.S. REDMOND 250 multivarkası sizə temperaturu özünüzün ayarlamaq imkanını yaradır. Belə ki, əgər siz hesab edirsiniz ki, 150 dərəcə qovrulma üçün çoxdur, o zaman çəkinmədən, proqrama istədiyiniz temperaturu verə bilərsiniz. Ümumiyyətlə, razılaşın ki, hər zaman və hər yerdə vəziyyəti öz əlinizə ala bilmək imkanı əladır!

  Qovrulmanın sonuna 5 dəqiqə qalmış multivarkanın qapağını açırıq və qabın möhtəviyyatını qarışdırırıq. Bundan sonra qovrulma açıq qapaqla davam edir. Proqramın işinin başa çatması haqda siqnalı gözləyirik.

Bizim ətirli, dadlı yeməyimiz hazırdır!

Nuş olsun!