Bəli, gündəlik həyatımızda rastaşdığımız hadisə və vəziyyətlər məyusedici və kədərli ola bilir, sağlamlığımıza və əsədlərimizə rəhm etmədən, bizi fiziki və psixi cəhətdən yorurlar. Lakin hər şey sizin baş verənlərə münasibətiniz və baxış möveyinizdən asılıdır. Qiymətli sağlamlığınızı korlamaq əvəzinə, hadisəyə kənardan baxın. Hədər yerə deməyiblər ki, istənilən problemin arxasında uğur gizlənə bilər. Hər gün qarşılaşdığımız neqativdən hansı mənfəəti əldə edə bilərik, gəlin baxaq:

Ləng internet bizim səbrimizi tərbiyyələndirir.

Yollardakı tıxaclar saatlarla şəhərin hansısa bucağında qalmağımızla bərabər, mütaliə və ünsiyyət üçün şərait yaradır.

Velosiped yollarının olmaması ucbatından, bu "dəmir atın" idarəsi intuisiya və ustalığımızı işə salmağa məcbur edir. 

Kinoteatrda səs salan və filmin hər kadrını şərh edən tamaşaçılar, bizdə ağır işgəncə və qətlin müxtəlif formalarını kəşf edən fantaziya aşkara çıxarır.

Yaşıl işıqda piyadaya yol verməyib, onu az qala ölümcül vəziyyətə salan sürücülər, insanın qəlbindən bir anlığa həyatının ən gözəl anlarının keçməsinə səbəb olur.

Yollarda, növbələrdə, restoranlardakı ədəbsizlik mənən bizi yüksəldərək, başqalarına nəzərən nə dərəcədə mədəni və zərif olduğumuzu vurğulayır.

Yollardakı daimi təmir işləri bizi əlavə yollar axtarmağa sövq edir. Bu zaman biz şəhərimizin gözəl naməlum küçələrini kəşf etmiş oluruq.

Avtodayacağın olmaması, yollardakı təmir və tıxaclar bizi avtomobildən imtina etməyə məcbur edir. Bu isə qənaət olunmuş zaman, pul və sinirlərimizdir.

Avtobus və metrodakı basırıq asanlıqla səhər idmanını əvəz edə bilir.