Bu anı biz bütün həftə gözləyirik. Baxmayaraq ki, işimizi sevirik, peşəmizi seçmişik, kollektivimiz isə əladır.

Cümə gününün axşamı gəlir və həftənin dörd günü  kənara qoyulmuş məsələləri həyata keçirməyə, dostlarımızla görüşməyə və maraqlı yerləri ziyarət etməyə başlayırıq.

Bizim cüməmiz Üzüm restoranının açılışı ilə başladı. Maraqlı insanlar, Rilayanın gözəl caz ifası və şərab kazinosu axşamı unudulmaz etdi.Yeri gəlmişkən, qazandığımız fişkalara biz kazinodan 5 şüşə əla şərab əldə etdik. Həm də öyrəndik ki, Çində artıq balıqdan şərab hazırlayırlar. İnanılmazdır.

Sonra bizim yarımız Opera Sky-da baş tutan Jah Khalibin konsertinə, yarımız isə RAİ karaoke-klubunun il dönümünə getdi.

Bazar günü isə bizi daha bir ad günü gözləyirdi-bakılıların sevimli kafesi Espressamente İlly bir yaşını qeyd edirdi. O vaxtdan şəhərdə daha 3 İlly kafesi açılıb və onların sayı getdikcə artacaq.