Smart-qolbaqlara, eynəklərə, üzüklərə öyrəşməmiş, smart-corablar meydana çıxdı.

Bəli-bəli. Heyrətlənməyin. Onlar smartfonla naqilsiz birləşirlər və ekranın displeyinə müxtəlif informasiyanı çatdırırlar. Bədənin temperaturu, ayaqlara düşən ağırlıq dərəcəsi, gün ərzində edilən addımların sayı, ayaqqabının içində ayağın yerləşməsi və s. kimi məlumatı. 4 cüt belə corabın qiyməti adi corabdan bir qədər baha - 200$-a yaxındır. Amma bu, elit butikdən alınan bir tay corabdan daha ucuzdur.

Yeri gəlmişkən, bu, ilk ağıllı geyim növü deyil. Bir qədər əvvəl bir neçə ötürücü ilə təchiz olunmuş ağıllı köynək də çıxmışdı. O, sizin ürək döyüntüləriniz və hətta emosiyalarınız haqda məlumatı ekrana ötürür. Bir mənfi cəhəti var - onun batareyasını isladmaq olmaz - ancaq quru təmizləmə.

Daha bir aksessuar - ağıllı ayaqqabıdır. Belə ayaqqabının içliyi atdığınız addımların sayını, həmin gün ərzində sərf etdiyiniz kalorini bildirir, hətta sahibi ilə söhbət də edir. Şükür Allaha ki, verbal deyil, vibrasiyalar vasitəsilə. Ərazinin marşrutunu smartfon vasitəsilə yükləsəniz, bu ayaqqabı vibrasiya vasitəsilə sizi lazımi ünvana yönləndirəcəkdir.

Smart-tualet kağızının hansı xüsusiyyətlərə malik olacağı barədə fikir yürütmək çətindir, amma onun icadı sadəcə vaxt məsələsidir.

via Sciencenews.org