Yel Universitetinin alimləri sübut ediblər ki, soyuq havada burnu şarfla bağlamaq zökəm xəstəliyi riskini aşağı salır. Tədqiqatçılar bildiriblər ki, hər 5-ci insan rinovirus (zökəm və soyuqdəymənin ən tez-tez rast gəlinən səbəbkarı) daşıyıcısıdır, lakin immun sistemi onun orqanizmdə inkişafının qarşısını alır. Sübut olunub ki, burnun 5 dərəcədən çox soyudulması orqanizmin immun sisteminin virusa qarşı müqavimətini zəiflədir.

"Biz müəyyən etmişik ki, bədənin ayrı-ayrı hissələrinin temperaturu orqanizmin ümumi temperaturundan aşağı olanda, immun sistemin müqaviməti də aşağı düşür". Alimlər həmçinin, müəyyən ediblər ki, bədən temperaturu virusdan çox immunitetə təsir göstərir.