Gələcəyə görmək - hər insana nəsib olmayan bir vergidir. Bəzən özümüzün bir dəqiqədən sonra nə istəyəcəyimizi bilmədiyimiz halda, illər öncədən milyonlarla insanın zövqünü, arzusunu oxşamaq əsl sehrbazlıqdır. Belə bir sehrli qabiliyyətə Stiv Cobs malik idi. 

Cobs, bütün eqoistlər kimi, dünyaya özünəməxsus laqeyd münasibət bəsləyirdi. Cəmiyyətə də həmçinin. Bu xüsusiyyət insanlara yuxarıdan aşağı baxmaq imkanı, onların məhz nə istədiyini bildiyinə əminlik bəxş edir. Stiv Cobsun icadın potensialını vaxtında qiymətləndirmək qabiliyyəti haqda onun ilk biznesi danışır - "mavi qutucuqların" satışı. Bu qutucuqlar telefon xətlərinin siqnallarını kopyalayır, ələ keçirir və dünya üzrə pulsuz zənglər etmək imkanı verirdilər.

Voznyak belə qurğuları maraq xətrinə hazırlayırdı. Əvvəlcə onlar Cobsla sadəcə olaraq əylənirdilər, sonra isə Cobs anlayır ki, insanlar telefondanışıqlarından ötrü böyük məbləğlər ödəməmək xətrinə bu qurğuları əldə etmək istəyəcəklər və onların satışını təşkil edir. Məmulatın maya dəyəri 40 dollar olduğu halda, Cobs onları 150 dollara satırdı. Gəliri tən yarıya bölürdülər. Alıcı və polislərlə bir neçə xoşagəlməz insidentdən sonra biznesə xitam vermək qərarı alınır. Lakin bu təcrübə onlara gələcək yollarını göstərdi - Cobs anladı ki, elektron qurğular insanların həyatını asanlaşdırır və böyük tələbat yaradır. Onların birliyində rollar bəlli oldu - Voznyak icad edir, Cobs - satır.

Cobsun dünyaya bəxş etdiyi inqilab Voznyakın "Həvəskar kompüterlər" klubunun ziyarətlərindən sonra başladı.Orada bəşəriyyət üçünkompüter inqilabının yaradılmasından söhbətlər açılırdı. Voznyak ilk olaraq, kompüter ekranında əks oluna bilən simvollar yaratmışdı. O, ilk dəfə yeniliyi dostuna göstərir və bu Cobsa güclü təsir edir. "Göy qutucuqlar"da olduğu kimi, burada da tezliklə söhbət məsələnin maddi potensialına toxunur və şirkət yaratmaq qərarı qəbul olunur. Şirkətin adını bu yaxınlarda hippi kommunasından qayıdan və alma pəhrizi nəticəsində aydınlaşmaya nail olmuş Cobs "Apple Competr" qoymağı təklif edir. 

Cobs elə bir nəhəngi yaratdı ki, o indiyə qədər insanların ağıllarına hakim kəsilib. Apple-ın məğzi ondan ibarətdir ki, onlar əvvəllər olmayan nəyisə yaradır, sonra isə sizi əmin edirlər ki, siz məhz bunu istəyirdiniz və səbrsizliklə gözləyirsiniz.