Noyabrın dördüncü cümə axşamı günü ABŞ-da Şükran günü (Thanksgiving day) qeyd olunur. Bu, ölkənin ən məhşur bayramlarından biridir.

Şükran günü ilk dəfə 1621-ci ildə Plimut koloniyasında yaşayan ingilis koloniyaçıları tərəfindən qeyd olunub. Ötən qış ağır və ac keçmişdi, qarşıdan gələn qış da çox ümid bəxş etmirdi. O zaman qubernator Uilyam Bredford tabeliyində olan insanların əhvalını qaldırmaq üçün Şükran günü təşkil edir. Bayramı britaniyalı koloniyaçılar və onların hindu qonşuları birgə qeyd edirlər. Məhz hinduların sayəsində ilk ağır qışı keçirə bilirlər.  

Puritanlar bu bayrama dini məna qatırlar – onlar hər şeyə görə Yaradana təşəkkür edirlər. Şükran günü ölkənin ilk prezidenti Corc Vaşinqtonun sərəncamı ilə 1789-cu ildən başlayaraq, milli bayram kimi qeyd olunmağa başlayıb.

Bayranım əsas ənənələrindən biri- bütün ailənin bir masa arxasında toplaşmasıdır. Şükran bayramının ərəfəsində xeyriyyəçilik artır: amerikalılar həyatda bəxti gətirməyən, ac yaxınlarını doyurmağa çalışırlar. Hətta metro stansiylarında xüsusi stollar quraşdırılır ki, buraya insanlar imkansızlar üçün pul və ərzaq qoya bilirlər. Qəzetlərdə bu tipli elanlar dərc olunur: “Əgər Siz 1,90$ hədiyyə etsəniz, ac və ya evsiz bir həmvətəninizi isti yeməklə təmin edə bilərsiniz. 19$ qurban edərək, siz 10 nəfəri yedirdə bilərsiniz” və s. Bayram ərəfəsində xeyriyyə təşkilatları ehtiyacı olanlara yemək paylayır, evsizlər üçün nahar təşkil edirlər.

Vacibliyinə görə ikinci atribut- hind toyuğudur. İlk bayramda koloniyaçılar və hindular yaxınlıqdakı meşədə 4 belə quş ovlayıb qızartmışdılar. O vaxtdan hind toyuğu və Şükran günü sinonimə çevrilib. Quşları xüsusilə bayram üçün yetişdirirlər.

Bayramın üçüncü atributu paradlardır. Onlar 17-ci əsrin geyimləri ilə, hindu libasları ilə qeyd olunur və çox şən keçir.