Edit Piaf aktrisa və akrobatın ailəsində anadan olmuşdu. Anası ailəni tərk edərək, balaca qızının tərbiyyəsini öz valideynlərinə həvalə etmişdir. Lakin nənəsi Editin tərbiyyəsi ilə məşğul olmurdu. Uşaq narahatlıq verməsin deyə, ona su ilə həll olunmuş süd verirdi. Müharibə qurtardıqdan sonra atası Editi öz anasının yanına aparır. Məlum olur ki, qız tamamilə kordur. Onu müqəddəs Terezanın yanına, Lizye şəhərinə aparırlar. Və möcüzə baş verir - Editin gözləri açılır. Amma görməsi zəif olur. Jan Kokto deyirdi ki, "bu, nura qovuşmuş kor insanın gözləridir".

17 yaşında Piaf qız uşağı dünyaya gətirir. Uşağın atası Editi tərk edir. Lakin uşağı özüylə aparır. Qız meningitə yoluxur. Qızını ziyarətə gələn Edit özü də xəstələnir. O zamanlar bu xəstəlik çox şətin müalicə olunurdu. Bəzən həkimlər xəstəni sadəcə müşahidə altında saxlayaraq, müsbət sonluğa ümid edirdilər. Nəticədə Edit sağalır, qızı isə ölür. Piaf bir daha ana olmur.

Bütün bu zaman ərzində Edit bacısı ilə birgə küçədə mahnı oxumaqla pul qazanır. Qazancını yeməyə və içkiyə xərcləyir. Kabare sahibi onu öz kafesində oxumağa dəvət etməsəydi, Piaf elə küçə həyatında da məhv olacaqdı. İlk çıxışlarından başlayaraq, o, sevilməyə başlayır. Radioda kiçik çıxışlarından sonra dinləyicilər radiostansiyanın telefonlarına sonsuz zənglər edir, yenidən balaca Piafı dinləmək istədiklərini bildirirdilər. Lakin məşhurluğu qısa bir zamanda itir. Kabarenin mediri başından aldığı güllə yarasından vəfat edir, Edit isə əsas şübhəlilər qisminə daxil olur. Nəyə görəsə, kütlə Editin həqiqətən də ölümdə günahkar olduğunu düşünür.

Lakin tale Editin qarşısına şair Raymon Assonu çıxarır. O, nəinki Böyük Editin obrazını yaradır, həm hə ona notları, etiket qaydaları və s. öyrədir.

Lakin Piaf daha bir bədbəxtliklə üzləşir - iki avtomobil qəzası keçirərək o, qolunu və qabırğalarını qırır. Dəhşətli ağrılar ona əzab verir. Həkim ona morfin iynələri vurmağa başlayır. Edit natkotikə aludə olur.

1958-ci ildə Edir Fransanın ən möhtəşəm zalı olan "Olimpiya"da çıxış edir. İnanılmaz uğur onun Amerika turnesində də davam edir. Lakin emosional yüklənmələr və uşaqlıqdan zədələnmiş səhhəti özünü biruzə verir. 1961-ci ildə Piafa qara ciyərin xərçəngi diaqnozunu qoyurlar. Son çıxışında o, bir daha tamaşaçıların qəlbini fəth edir. Zal onunla sağollaşmaq istəmir. Lakin yarım il sonra 1963-cü il, dekabrın 10-da Edit Piaf vəfat edir.