Tanınmış hollivud aktyoru Kaliforniyada dünyaya gəlmişdir. Valideynləri ona Nikolas Koppola adını vermişdilər. Lakin akrtyorluq karyerasının başlanğıcında məşhur əmisi Frensis Ford Koppolanın adından sui-istifadə etməmək üçün o, özünə Keyc təxəllüsünü götürmüşdür.

Aktyorluq fəaliyyətinin zirvəsinə keyc 90-cı - 2000-ci illərdə çatır. Onu həqiqətən tanıdan və məşhurlaşdıran Şon Konneri ilə duetdə çəkildiyi "Qaya" filmi olur. Keyc bu filmdə britaniya aktyorunun fonunda özünü itirmədə, hətta çox gözəl göstərdi. Odur ki, növbəti il işıq üzü görən "Face/off" filmi artıq bir çox kinomanların sevimli filmləri sırasına qatıldı.

Film hollivudsayağı döyüş, əkşn və atışma ilə dolu olsa da, əsas qəhrəmanların mübarizəsində müəyyən dramatizm var idi. Bu, ideallar uğrunda əsl mübarizə idi. Qəhrəmanlardan biri həqiqət və xeyri, digəri isə anarxiya və dağıntını təmsil edir. Mübarizənin pik nöqtəsi Travoltanın qəhrəmanının Keycin "ailəsinə" daxil olmsı anına təsadüf edir. 

Aktyor həmçinin, özünün təmtəraqlı yaşam tərzi ilə də məşhurdur. Bunun nəticəsində 2008-ci ildə onun dövlət büdcəsinə 15 mln. dollar vergi borcu var idi. Borclardan yaxa qurtarmaq üçün Keyc bir sıra malikanələrini və Naydştayn sarayını satmalı oldu.

Bacısı Sofiya Ford Koppola ilə birlikdə o, Koppola şəcərəsinin üçüncü nəslidir. Nəslin ilk nümayəndəsi "Xaç atası" filminə yazdığı musiqiyə görə Oskar almış Karmayn Koppola olmuşdur.