Bu həyatda hər şey mümkündür. Yalnız kiminsə The Beatles qrupunun yaradıcılığını üstələmək imkanından başqa.

13 il əvvəl – 2001-ci ildə The Beatles qrupun üzvlərindən biri olan Corc Harrison xərçəng xəstəliyindən vəfat edib.

Harrison təkcə istedadlı gitaraçı deyildi. O, həm də bəstəkar, sitarçı, prodüser və yazıçı idi.

1978-ci ildə o, HandMade Films kino şirkətininin əsasını qoymuşdu. Şirkətin tanınmış işlərindən biri, Qay Riçinin debüt filmi sayılan “ Kartlar, pullar, iki silah”dır.

Harrison qrupa iki şeyin əsasında gəlmişdi – gitaraya olan məhəbbəti və Pol Makkartni ilə bir məktəbdə oxumasına. Əvvəldə Con Lennon Harrisona qarşı idi, çünki ikinci qrupda hamıdan balaca idi. Qrupa gələrkən onun cəmi 15 yaşı var idi. Yalnız 16 yaşı tamam olandan sonra o, qrupun tam hüquqlu üzvü oldu.

Harrisonu xasiyyətinə görə “sakit bitl” adlandırırdılar. Mətbuat konfranslarında həmişə səssiz oturardı. Ancaq paparazzilər hətta onu da özündən çıxarmağı bacarırdılar. Bir dəfə barda oturarkən, zəhlətökən fotoqrafa viski dolu badəsini atmışdı.

Məhz Harrison qrupun diqqətini folk-roka və hind musiqisinə yönəltmişdi. Və Revolver albomuna onun düz üç əsəri daxil olmuşdu. Lakin Sgt. Pepper Lonely Heart Club Band albomunun yazılması zamanı gitaraçının fikirləri qrupunkundan fərqli istiqamətə getməyə başladı.

Altmışıncı illərin sonunda qrupda konflikt yetişirdi. Artıq White Album albomunun yazılışı zamanı Harrison qrupu tərk edir, lakin qrup üzvləri ilə söhbətlər nəticəsində, 12 gündən sonra geri qayıdır. Lakin bu, ilk xəbərçi olur və 2 ildən sonra – 1970-ci ildə qrup dağılır.

Solo karyerasını Harrison nəinki İngiltərə, həm də Amerika musiqi çartlarınıda yüksələn albomla başlayır. Bununla da o, köhnə kolleqalarına sübut edir ki, onun musiqisi dinləyici tərəfindən tələb olunan və seviləndir. Onun əksər bəstələri bitllar tərəfindən ciddi qəbul edilmirdi.  

İlk albomu qalmaqala səbəb olur – My Sweet Lord kompozisiyasını plagiat elan edirlər. Harrison bunu inkar edirdi, lakin məhkəmə “qəsdsiz” plagiat qərarını qəbul edir və onu 1,6 milyon dollar ödəməklə öhdələyir.

1970-ci ildə başlanan məhkəmə prosesi 1991-ci ildə sona çatır.

Gələcəktə gitaraçı solo və müxtəlif qruoların tərkibində çıxış edərək alqışlanır. Ancaq kollektivdəki məşhurluq bird aha qayıtmır. Bəlkə də bu “sakit bitli” sevindirirdi.

2001-ci ilin bu günündə Corc Harrison dünyasını dəyişir.