Siçan və pişiyin bitməz düşmənçiliyindən söhbət açan cizgi filmin ilk seriyası "Pişik zərbə alır" adlanırdı və 21 fevral 1940-cı ildə işıq üzü görmüşdü. Bu personajları yaradan rəssamların adı Uilyam Hanna və Cozef Barbera idi.

30-cu illərin sonunda "Metro Golwyn Mayer" studiyası çətin vəziyyətdə idi. Mikki Maus və Baqz Banni kimi nəhənglərlə rəqabət apara bilmirdi. Presonajların yaradılması iki təcrübəli rəssama - Uil Hanna və Co Barderə həvalə olunmuşdu. Rəssamlar öncədən "Şən melodiyalar" və "Luni Tyunz" seriallarında işləmişdilər. Böyük səylər və diqqətli əmək sayəsində siçan balası və pişik arasında müharibə epizodlarının çəkilməsi ideyası yaranır. Onlar uur qazanırlar. "Pişik zərbə alır" qısametrajlı filmi Oskara nominaisya olunur. Qələbəni başqası əldə edir, amma prodüser Fred Kuimbi işi davam etdirmək qərarı verir və rəssamlara işlərini davam etdirməyi məsləhət görür. Qəhrəmanların adlarını isə başqa bir rəssam - Con Karr verir. Məhz o, siçanı Cerri, pişiyi isə Tom adlandırır.

Bu, əsl uğur idi. Fatatların sayı getdikcə artırdı. Uşaq məktublarının ardı-arası kəsilmirdi. Məktubları cavablandırmaq isə o zaman heç kəsin tanımadığı aktyor Cek Nikolsona həvalə olunmuşdu.

Filmin uğur qazanmasında böyük rolu bəstəkar Skot Bredli oynamışdı. O, caz və klassik musiqinin elementlərini məharətlə birləşdirir, original və yaddaqalan partituralar yaradırdı.