Tələqə Qəbulu Üzrə Dövlər Komissiyası (TQDK) ali məktəblərə magistratura ixtisasına sənəd qəbulu başlayıb. İmtahanda iştirak etmək üçün bakalavrların ərizələrinin qəbulu internet vasitəsi ilə aparılır. Bunun üçün onlar müvafiq linklə (eservices.tqdk.gov.az/erizemag/erize) keçərək, şəxsiyyət vəsiqəsindən (seriyasından, nömrəsindən və PIN kodundan) və TQDK-nın virtual ödəmə kartındakı iş nömrəsi və şifrdən istifadə etməklə oradakı "Bakalavrın elektron ərizəsi" formasını doldurub, onu özü təsdiq etməlidirlər. Virtual ödəmə kartını internet ödəmə və ya bütün mobil operatorlardan 7725 nömrəsinə boş SMS göndərməklə əldə etmək olar.

Əcnəbilər və vətəndaşlığı olmayan şəxslər, xarici ölkələrdə ali təhsil almış Azərbaycanın vətəndaşları imtahanda iştirak etmək üçün “Bakalavrın elektron ərizəsi” formasını doldurduqdan sonra tələb olunan sənədləri şəxsən təqdim etməklə elektron ərizələrini TQDK-da təsdiq etdirməlidirlər.

İmtahanın ilk turu 22 fevral-da baş tutacaq və 2,5 saat davam edəcək. İmtahanda ümumi intellekt səviyyəsini müəyyən edən 50 test sualı, 25 - informatika ixtisası üzrə və 25 - xarici dil üzrə suallar təqdim olunacaq. Birinci turda TQDK-nın minimal tələblərinə cavab verən bakalavrlar ikinci tura buraxılacaqlar ki, o, 26 aprel tarixində keçiriləcək və 1,5 saat davam edəcək. Bakalavrlar ikinci turda 50 test tapşırığına cavab verməli olacaqlar.

Yazı işləri 50 ballıq şkala üzrə qiymətləndiriləcək. Qəbul imtahanları Bakı, Naxçıvan, Gəncə və Lənkəranda keçiriləcək.