Facebook sosial şəbəkəsinin yaranmasından artıq 10 il keçib. Şəbəkə dünyada ən məşhurlardan birinə çevrildi. İnsanlar ünsiyyətdə olur, emosiyaları ilə bölüşür, "layklar" toplayırlar.

Lakin, uzun müddətdir ki, istifadəçilər arasında şəbəkədə "like" düyməsindən başqa, "dislike" düyməsinin olması arzusu gəzir. Bu arzu öz-özünə yaranmayıb. Gün ərzində nəzərdən keçirdiyiniz və heç bir halda "Like" işarəsinə layiq olmayan informasiyanı xatırlayın. Ona görə də istifadəçilər bu və ya digər paylaşmadan narazılıqlarının dərəcəsini bildirən düymənin yaranması barəsində xəyallar qurmağa başlayıblar. 

Bu gün Mark Tsukerberq öz səhifəsində bu məsələyə münasibətini bildirən video yayımlamışdır: "Çox insan həyatının qəmli və ya çətin anları ilə bölüşür. Bu zaman "like" düyməsi həmrəyliyi bildirmək üçün əlverişli olmur. Düşünürəm ki, əsas olan - insanlar öz hissləri ilə bölüşmək imkanını yaratmaqdır. Lakin biz ən düzgün üsulu seçməliyik. İfadə olunan hisslər son nəticədə müsbət cərəyana yönlənməlidirlər, kiminsə paylaşmasını alçaltmağa deyil". 

Razılaşın ki, kiminsə kədərli hadisə haqqındakı paylaşmasının altında "like" işarəsini görəndə, bu sanki, həmin hadisəyə sevindiyimizi bildirir. Doğrudur, əslində bi sadəcə dəstək olduğumuzu bildiririk, lakin öz-özlüyündə "like" ifadəsi bu halda düzgün sayılmır.

Başqa sözlərlə, Tsukerberq "dislike" düyməsini dəstəkləmir. Lakin o hesab edir ki, emosiyaları daha dolğun ifadə etmək üçün yeni bir funksiyaya ehtiyac var. Çünki "like" düyməsi buna qadir deyil. Nəticədə, biz dostlarımızı sosial şəbəkədə "like" düyməsini istifadə etmədən dəstəkləmək imkanı yaradan yeni əlavə əldə edəcəyik.