Bu günlərdə dünyada tanınmış və liderlərdən olan Uber taksi xidmətinin Azərbaycana gəlməsini bir çox insan müzakirə edir. Dostumuz Kamran Səmədli öz Facebook səhifəsində bu barədə elan verən anda, mobil tətbiqi öz Android smartfonuma yüklədim. HELLOBAKU promo açar sözündən istifadə edərək, 20 AZN balansımı artırdım. Bloq yazımın əvvəlində qeyd etmək istəyirəm ki, ölkəmizdə istifadəyə verilən xidmət Uber şirkətinin "şəxsi avtomobil" xidməti olan Uber Black'dir. Yəni, adi taksi xidməti olan X deyil.

İstifadə etmək bu günə qismət oldu. Uberin rəsmi bloqunda GoldenPay və Hesab.az-ın təsisçisi Fərid İsmayılzadə, eləcə də dostum və  Hajizade Group-un təsisçisi olan Əli Hacızadənin bu xidmətdən istifadə etmələri və onlara lüks Mercedes S class təqdim olunmasını və digər avtomobillər barədə heç bir məlumatın olmaması ilə rastlaşmadığıma görə, mən də sifariş düyməsini basıb, S class gözləyirdim. 

Təxmini 2-3 dəqiqədən sonra mənə Toyota Camry təqdim edildi. Dedim cəhənnəm, S class olmadı, heç olmasa Camry olsun. İmtina etməyəcəm. Gözləyim. 14:48-də 4 dəqiqə sonra taksinin olacağı bildirildi və mən ofisdən aşağı düşdüm. 

Düz 15 dəqiqədən sonra axır ki, Uberim gəlib çıxdı. Azərbaycan kinoteatrı arxasından Səməd Vurğun bağına kimi 6.14 AZN yazdığı bildirilən gedişə yəqin dəyər. Bir də gördüm ki, Camry yerinə, qabağıma Kia Optima gəldi. KIA? Bu avtomobilə ciddi deyim Biznes klass kimi baxmıram. Səhv etmirəmsə, heç biznes klassa aid də deyil. 

Bu isə avtomobilin salonundan görüntüdür. Salon heç dəridən də deyil. 

Ümumiyyətlə, S class gözləyən adamın belə bir hal ilə rastlaşması, Uber kimi xidmətə yaraşmır. İnanın ki, ikinci dəfə heç nə sifariş etmək istəmirəm. 

Düşünürəm ki, Uber öz bloqunda hansı avtomobillərin olmasını göstərməli idi ki, biz də S class gözləməyək. 

Bu arada, Uber app qoşulu olduğu vaxtda heç vaxt ilişməyən Nexus 5 smartfonum ilişməyə başladı. Dedim yəqin location məlumatlarını daimi yeniləyir deyə, RAM çox istifadə edib. Avtomobilə minəndən sonra kamera ilə şəkillər çəkdim və maşının ahı tutdu. Smartfonum söndü və bir də yanmadı. 1 saat bundan əvvəl ustaya 25 AZN verdim, içəridə əlaqə çipini dəyişdirdim. İnanırsınız ki, sifariş etməyimə peşmanam? :) Çeki belə atmamışam, əlimdədir.