1992-ci ildə BMT-nin Əlillər Onilliyinin sonunda (1983-1992) BMT-nin Baş Assambleyası dekabrın 3-nü Beynəlxalq Əlillər Günü elan etdi. Adı çəkilən onillik əlillərin bərabər imkanlarını təmin etmək və məlumatlandırılmalarını artırmasına yönəlmiş tədbirlərin görülməsi dövrü sayılır.

 BMT-nin Baş Assambleyası üzv olan ölkələri bu günü, əlilliyi olan insanların həyata inteqrasiyasınıni qeyd edən tədbirlər keçirməyə çağırmışdır. Bünyada təqribən, bir milyard əlil (dünya əhalisinin 15%-i) yaşayır. Onların hər biri ictimai həyatdan tam miqyaslı, effektiv və bərabərhüquqlu istifadəyə mane olacaq fiziki, sosial-iqtisadi və davranış baryerləri ilə rastlaşırlar. BMT-nin məlumatına görə, əlillər dünya əhalisinin ən kasıb hissəsini təşkil edirlər. Həmçinin, onların təhsil, məşğulluq, səhiyyə, sosial və hüquqi dəstək kimi resurslardan istifadə məhdudluqları var. 3 dekabr Beynəlxalq Əlillər Gününün keçirilməsi əlillərin problemlərinə diqqətin cəlb edilməsi, onların ləyaqətinin, hüquq və sağlamlıqlarının qorunmasına yönəlmişdir.

Bu günün qeyd edilməsində məqsəd -  insan hüquqlarının tam və düzgün qorunması, əlillərin cəmiyyət həyatında iştirakıdır. (Foto: Stokkete, Shutterstock)

Bu məqsədlər 1982-ci ildə Baş Assambleya tərəfindən əlillərə qarşı beynəlxalq proqramda təyin edilmişdir. Hər il bu günlə əlaqədar keçirilən tədbirlər müəyyən bir mövzuya həsr olunur: “İncəsənət, mədəniyyət və azad həyat tərzi”, “Yeni minillikdə hər kəs üçün mümkünlük”, “Tam iştirak və bərabərlik: tərəqqinin və nəticələrin qiymətləndirilməsinə yeni yanaşma tələbi”, “Sərbəst həyat və sabit qazanc”, “Bizim barədə bizsiz heç nə”, “Əlillərin hüquqları: inkişaf prosesində fəaliyyət”, “Əlillər üçün layiqli iş”, “Əlil hüquqları konvensiyası: hər birimiz üçün layiqli və ləyaqətli iş yeri”, “Maneələri aşaq, qapıları açaq: hər kəsə açıq cəmiyyət naminə” və s.