Layihə təhsil sahəsinə aiddir. Layihənin məqsədi - uşaqlara ətraf mühitin, təbiətin zənginliklərin qiymətləndirməkdə, gələcək nəslin təbiətə qayğı hissi ilə böyüməkdə yardımşı olmaqdır. "Balaca ekoloqların" ətraf mühitə olan marağının artırılması və prosesə əyləncə qatmaq məqsədilə treninq boyu müxtəlif laborator işləri, bilik yarışmaları keçiriləcək, kiçik sənət əsərlərinin yaradılması üçün şərait yaradılacaqdır.

Layihə çərçivəsində ilk təlim yanvarın 17-də keçiriləcək və buzlaqların əriməsinə, dəniz suyunun səviyyəsinin artmasına, qlobal istiləşmə kontekstində heyvanların miqrasiyasına və təbiətə edilən mənfi təsirlərin qarşısının alınması yollarına həsr olunacaq. "Uşaqlar üçün ekoloji laboratoriya" Dövlət İdarəetmə Akademiyasında yerləşən Resurs mərkəzində keçiriləcək.

via 1news.az