URBAN.AZ
URBAN.AZ

Telegram Banner

Sizinlə yenə Düşüncə Fabrikinin Həkimidir. Keçən dəfə biz bahar avitaminozu və polivitamin preparatlardan söhbət açmışdıq. Ümid edirəm ki, buraxılışda oxuduğunuz informasiya sizin üçün faydalı və maraqlı olub. Məqalənin sonunda isə şəhər sakininin sağlamlıq probleminin həlli üçün polivitamin müalicəsinin alternativini təqdim edəcəyimə də söz verdim. 

Ekoloji vəziyyət, stress və xəstəliklər insana tibbin nail olduğu uzunömürlükdən faydalanmağa imkan vermir. İnsanların ömrü uzansa da xəstəliklərinin sayı da artıb. Belə hallarda plasenta yardımçı ola bilər. 

Plasenta - uşaqlıq divarına sıx birləşərək, dölün bətndaxili inkişafı üçün lazım olan qidalanmasını və mühafizəsini təmin edən embrional orqandır. Doğuşdan sonra plasenta uşaqlıq yollarından təbii şəkildə xaric olur. 50 il əvvəl yaponiyalı alimlər bu təbii nemətin bir sıra faydalı xüsusiyyətini aşkar etmişlər. O zamandan bəri insan plasentasından istifadəsinin faydalı xüsusiyyətləri haqda böyük nəzəri biliklər toplanılmışdır. Bu vaxt ərzində Yaponiyada artıq plasenta preparatları ilə müalicə və profilaktika tibbi sığorta sektorunda da özünə yer tapmışdır.

İnsan plasentasının hidrolizatı nə üçün tətbiq olunur? Etiraf edim ki, hər bir müasir həkim kimi, mən də bütün xəstəliklərin çarəsi olan dərmanlara inanmıram. Ona görə ki, elələri həqiqətən də yoxdur. Plasentanın hidrolizatı da hər dərdin dərmanı deyil, amma onun istifadə spektrinin genişliyi ilə heyran edir.

Plasentanın hidrolizatı aşağıdakı vitaminlərlə zəngindir: PP, B1, B2, C, D və E, 100 fermentdən bir hissəsi antioksidant müdafiəsini təmin edir, 40-dən çox mineral, 18 aminturşusu, eyni zamanda əvəz olunmayan amin turşular, interleykinlər və böyümənin hüceyrə faktorları.

Yeri gəlmişkən, sinirlərin böyümə faktorunun (NGF) kəşfinə görə 1986-cı ildə Stenli Koen və Rita Levi-Montalçini fiziologiya və tibb sahəsində Nobel mükafatına layiq görülüblər.

Beləliklə, plasentanın hidrolizatı hansı hallarda istifadə oluna bilər:

  • Hepatit B və C-nin müalicəsi zamanı, əsas terapiya əlavə olaraq.
  • Qaraciyərin piy distrofiyaları, alkoqol hepatiti və sirrozun müalicəsində.
  • Keçəlləşmənin müxtəlif növləri zamanı.
  • Klimaks zamanı.
  • Düşükü riskli hamiləliklər zamanı.
  • Sonsuzluq zamanı.
  • İmmunitetin aşağı olduğu hallarda.
  • Qocalmanın profilaktikası üçün.
  • Cavanlaşmaq məqsədilə.
  • Orqanizmin uzun müddətli stress və ya fiziki yüklənmələrdən sonra bərpası zamanı.
  • Xroniki yorğunluq sindromunun müalicəsi zamanı.
  • Alkoqol və dərman intoksikasiyasını aradan qaldırmaq məqsədilə.
  • Ən təhlükəli xroniki xəstəliklərin və vəziyyətlərin profilaktikası məqsədilə.
  • Daim vitamin, mineral çatışmazlığı, stress və pis ekoloji şəraitlə üzləşən meqapolis sakinləri üçün. 

Nəzərə alsaq ki, etik nöqteyi nəzərdən, preparat yalnız sağlam doğuş zamanı və arzu olunan hamiləlikdən sonra əldə olunur, çoxsaylı metodlarla işlənir və bütün mümkün viruslardan təmizlənir, lakijn bu zaman plasentanın bütün faydalı xüsusiyyətləri saxlanılır, o, çox bahalıdır. Lakin şəhər sakinlərinin pullarını xərcləməyə öyrəşdiyi bir zamanda, demək olar ki, sağlamlığa qoyulmuş sərmayə gələcəyinizə edilmiş yatırımdır.


Şərhlər