Word-da işinizi asanlaşdırmaq və sürətləndirmək üçün aşağıdakı funksiyalardan istifadə edə bilərsiniz:

1) Əgər bugünki tarixi qeyd etmək istəyirsinizsə, Shift Ctrl D kombinasiyasından istifadə edərək, vaxtınıza qənaət etmiş olacaqsınız.

2) Əgər Caps Lock klavişinin basılı olduğunu bilmədən, yarım səhifəlik mətn yazmısınızsa, onu silməyə tələsməyin. Bütün mətni ayırın və eyni zamanda Shift və F3 düyməsini basın - problem həll olundu.

3) Oxlardan istifadə edirisinizsə, kursor hərflərin üzərilə çox ləng hərəkət edir. Eyni zamanda Ctrl düyməsini basılı saxlasanız, kursorun hərəkət sürətini artırmış olacaqsınız.

4) Mətndə ayrı-ayrı yerləşən bir neçə sözü işarələmək istəsəniz, elə həmin Ctrl düyməsindən istifadə edə bilərsiniz. 

5) Əmrin təkrarlanması funksiyası da çox faydalıdır. F4 düyməsini bassanız, Word öncəki əmri təkrar edəck. Bu, sətrin silinməsi, bir neçə sətrin ardıcıl silinməsi, mətnin müxtəlif kəsiklərində müxtəlif stillərin tətbiqi və s. ola bilər. 

6) Əgər sizə bütöv bir abzasın işarələnməsi lazımdırsa, tələb olunan abzasın əvvəlini kliklə işarə edin, sonra Shift-i basaraq, onun sonunu işarələyin. Mətn işarələndi.

7) Mətnin səhifələrini tez-tez vərəqləmək istəyirsinizsə, aşağıdakı kombinasiyalardan istifadə edə bilərsiniz:

    Ctrl Alt Page Down - növbəti səhifə

    Ctrl Alt Page Up - öncəki səhifə

    Ctrl Home - səhifənin başlanğıcına keçmək

    Ctrl Ena - səhifənin sonuna keçmək

8) Mətnin avtomatik olaraq "Sənədlər" qovluğunda saxlanılması sizi qane etmir? "Fayl" - "Parametrlər" - "Yaddaşda saxlamaq" bölməsinə keçərək, yadda saxlama yerini dəyişə bilərsiniz.

9) Sözdə vurğu qoymaq lazımdır? Alt 789 kombinasiyasını basın.

10) Mətninizin asan oxunması üçün mətnin köçürülməsi funksiyasını işə salın. Bunun üçün "Səhifənin bölünməsi"-nə daxil olun və "Köçürmələrin yerləşdirilməsi"-ni seçin.