Zarafat bir qırağa, son göstəricilərə görə, Xəzər dənizinin səviyyəsi 28 metr enib. Belə göstəricilər 40 ildir ki, qeydə alınmırdı. Bu nə ilə əlaqədardır? Məktəb proqramından xatırladığımız kimi, Xəzər gölünün dibi geoaktiv zona hesab edilir və onun qalxıb-enməsi gölün də səviyyəsinin qalxmasına və ya enməsinə səbəb olur. Lakin, Xəzərin səviyyəsinin bu dərəcədə enməsinə həmçinin, gölə tökülən çayların quruması da səbəb olmuşdur. Məsələn, Volqanın suyunun həcmi üçdə biri qədər azalmışdır.

Yeri gəlmişkən, dənizin səviyyəsinin bu qədər enməsi son dəfə 1978-ci ildə baş vermişdir. O zaman Xəzər 29 metr enmişdi və məşhur Bayıl qalasının kənarları görünürdü. Nədənsə, bu gün onlar görünmürlər. Nə isə, mövzudan uzaqlaşmayaq.

Bu hansı fəsadlara gətirə bilər? Əsas problemlər dəniz nəqliyyatı ilə əlaqədar olacaqdır. Sahil ətrafında tikilmiş pirslər belə enməyə hesablanmamışdır və limanların yenidən qurulması lazım ola bilər. Ölkəyə edilən idxalın çox hissəsi isə məhz su nəqliyyatı vasitəsilə həyata keçirilir. Çünki bu, ən ucuz mal daşınma üsullarından biridir. Qabaqcadan nələrisə planlaşdırmaq əbəsdir. Yaşayarıq - görərik.

via apa.az