İyunun 12-də Azərbaycanın FİL Production kinokompaniyası amerikanın nüfuzlu Paln Spring İnternational Film Festival kinofestivalında rejissor və prodüser Teymur Hacıyevin “Yara” filmini təqdim etdi.

 Gecə. Uzun yol. Qara furqonda iki kişi. Sükan arxasında sağ əli sarğılı gənc adam. Onun yol yoldaşı bir günlük (və ya gecəlik) muzdla tutulmuş boşboğaz qoca fəhlədir.

Hər birinin öz sirri, ürək ağrısı onları ata-bala kimi bir-birinə yaxınlaşdıraraq, qarşı-qarşıya qoyur. Buna əlavə olaraq, adamlar furqonda çox dəyərli yük aparırlar. Hər ikisi keçmişin yükündən azad olaraq, yaralarını sağaltmaq istəyir.

Amma nəyin hesabına?