Tezliklə şən, cəsur və müdrik heyvan sayılan və xüsusən də intellektual və yaradıcı insanları sevən Ağ Metal Siçan ili başlayacaq. Musiqiçilər, sənətçilər, jurnalistlər və yazıçılar uğur qazanacaq. Ağ Metal Siçanın xoşuna gəlməsi üçün 2019-cu ili necə yola salmalı, yeni 2020-ci ili isə necə qarşılamalı?

Mühüm rənglər 

Gələn ilin əsas rəmzinin metal parıltısı gümüşü və qızılı rəng çalarlarına üstünlük verməyin yaxşı olduğuna işarə edir. Lakin gümüş rəngli paltarlar almağa tələsməyin! Belə ki, 2020-ci ilin ən mühüm rəngi yenə də ağ olacaq (2020-ci ilin Ağ Siçan ili olması əbəs yerə deyil ki).

Astroloq Gülarə Səmədovanın şərhi:

Siçan – ailə və var-dövlət rəmzidir. Buna görə də Yeni ili ailəvi qeyd etmək lazımdır. Təbii ki, masanın üstündə hər cür yeməklər olmalıdır, axı siçan tədarük görməyi sevir. Yalnız şirniyyatla canınızı qurtara bilməyəcəksiniz!
Bu rəmz dəbdəbəni sevir, amma saxta deyil, həqiqi dəbdəbəli həyatı. Dəbdəbəli əşyaları almaq daha yaxşıdır. Üzük almaq istəyirsinizsə, bir ədəd bahalı üzük alın. Geyim almaq istəyirsinizsə, brend geyimini alın.

Evi necə bəzəməli? 

Ənənəvi yolka ağacı il bərabər biz hər zaman evi çilçıraq və qar dənəcikləri ilə bəzəmək istəyirik. Siçanın xoşuna gəlmək üçün çəkisiz, yüngül və qarışıq olmayan bəzək seçin: şüşə və büllur, heykəlciklər və asqı. Təbiilik haqqında da düşünmək gərəkdir: çələnglər, kiçik ağac budaqları, qozalar və  taxta oyuncaqlar mükəmməl şəkildə uyğunlaşacaq.

Unutmayın ki, siçan bir az aqressiv olur. Buna görə də evin bəzədilməsində parlaq çalarlardan da istifadə etmək lazımdır: masada qırmızı şamın və ya bənövşəyi lampanın olması pis olmazdı.

Masada nə olmalıdır?

Siçan dadlı yeməyi sevir. Bu heyvanlar pendiri çox sevdiyindən, masada pendir boşqabının olması zəruridir. Həmçinin taxılı da unutmaq olmaz: sıyıq və ya taxıl dolu kiçik bir stəkan siçanı və siçanla birlikdə bərəkəti cəlb edəcək. 

Masada güclü spirtli içkilərin olmasını Yeni ilin rəmzi təqdir etmir. Buna görə də Yeni il süfrəsində qırmızı və ağ quru şərab, şirin likör, zəif kokteyl və az spirtli içkilər yer almalıdır.

Nəyi hədiyyə etməli? 

Şən və işgüzar bu heyvan həm gümüşdən hazırlanmış zərgərlik məmulatları, yəni üzüklər, asqılar, sırğalar, həm də pul və ya dəbli qadjetlər, yəni pul kisələri, smartfonlar, planşetlər, noutbuklarla bağlı hədiyyələri sevir.