Dostlar!
Biz hələ az vaxtdır ki, işləyirik, amma Siz artıq çoxsunuz! Biz Sizə diqqətiniz və şərhlərinizlə və arzularınızla bəxş etdiyiniz xoş əhval-ruhiyyəyə görə təşəkkür etmək istəyirik. Biz həmçinin, sizinlə bayram arzularımızı bölüşmək istərdik.
Maraqlı bir şey var: "nə arzulamaq olar?" sualını özünə verən kimi, bir sıra çətinliklərlə üzləşirik. Əsas çətinlik - hər il hamı tərəfindən təkrarlanan xoşbəxtlik, uğur, müvəffəqiyyət arzularını təkrarlamaq istəmədiyimizdən irəli gəlir.
İkinci çətinlik o zaman yaranır ki, nə isə qeyri-adi və maraqlı bir təbrik fikirləşmək istəyirsən. Bu çətinlik ondan irəli gəlmir ki, ağlımızda orijinal ideyalar yaranmır. Sadəcə, vaxtilə kreativ-orijinal-düşüncəli görünmək istəyən dostlarımın belə təbriklərini xatırlayıram. O qədər qatma-qarışıq bir şey alınır ki, nəticə əlbəttə ki, sevimli, amma çox gülməli olur.
Yeni İldə əsas şərt - əhval-ruhiyyədir. Möcüzə ümidi və bayram ab-havası. Lakin əgər bayram günlərini hədiyyə axtarışında keçirəcək, işiniz başınızda aşıb-daşacaq, əlinizdəki hədiyyə bağlamaları ilə evə girəndə isə o yan-bu yana qaçan uşaqlar sizə mane olacaq və qaynananızın sevdiyi "həmin o vaza" düşüb qırılacaqsa, siz bayramı hiss edə bilməyəcəksiniz. Bu günü əvvəl başqalarını, sonra isə ailə üzvlərinizi və özünüzü düşünərək keçirmək düzgün deyil.
İlk öncə, bu, ailə bayramıdır. Ailəlikcə yolka bəzəmək, rəngarəng kağızlardan fiqurlar və fənərlər düzəltməyin necə əyləncəli və şən olduğunu xatırlayın. Unutmaq olmaz ki, həqiqi hədiyyə - bayram ənənəsi deyil, sizin doğmalarınızla vaxt keçirmək, onlara qayğı və mehribanlıq bəxş etmək arzunuzdur. Odur ki, fikrimizcə ən dəyərli arzu - bayram günləri uşaqlıqdan bəri bizi müşayiət edən ailə birliyinin, şənliyin, sevincin xatırladılması olar. Şaxta Babadan istədiyimiz hədiyyəni almadıqda belə o sevinci qoruyub saxlayırdıq. Hər dəfə də səbrsizliklə Yeni İlin gəlişini gözləyirdik. O günləri xatırlayın və xatirələrin ab-havasını ailəniz, uşaqlarınız, doğmalarınız, sevdiyiniz və sizi sevən insanlarla bölüşün.
Yeni İliniz, mübarək, dostlar!
