Dünən yeni XALCA restaurant & lounge restoranının səs-küylü açılışı oldu. Restoran Bakı bulvarınında, "Azneft" yaxınlığında yerləşir.

Restoranın şərq qonaqpərvərliyi özünü divarları əhatəsindən çox daha əvvəl göstərməyə başlayır. Neftçilər prospektinə aparan keçidin önündə bizi üzərində XALCA yazılmış elektrokarlar qarşıladı. Onlar da bizi restorana çatdırdı. Qırmızı xalça üzərində bir neçə addım irəlilədikdən sonra biz dizaynı Ləman Əskərova studiyası tərəfindən yaradılan restorana daxil olduq. Şərq və Qərbin uğurlu vəhdəti burada özünü milli naxışlarla bəzədilmiş xalçalarda, sirli alaqaranlıqda və personalın göstərdiyi xidmətdə büruzə verir. Bunlara panaram pəncərələrdən açılan bulvar mənzərəsini, çoxşaxəli mətbəxi və sərbəst atmosferi əlavə etmək lazımdır.

Restoranın menyusu da dünyanın bir neçə ənənəsini birləşdirir - milli azərbaycan mətbəxindən suşiyə kimi.

Ailə yığıncaqları, dost görüşləri və rahatladıcı after-party üçün gözəl məkandır. Hər şeyin öz vaxtı var.