Bir çox startaplar kimi, YouTube da öz fəaliyyətini yaradıcılarından birinin qarajında başladı. Çad Hirli, Stiv Çen və Ceyv Karim dünyaya misilsiz bir hədiyyə - hər kəsə özünü sadəcə bloqer kimi deyil, əsl rejissor kimi hiss etmək imkanı bəxş etdilər.

Dünyada həqiqətən də, yaxşı kadrların ovçuları meydana gəldi. Həyatın sıravilik çərçivəsindən çıxan hər bir anı bu saytda əsk olunmağa başladı. Biz bir dəfə şahid olduq ki, ağılsızlıq və cəfəngiyat həyat boyu bizi müşayiət edən ayrılmaz hissələrimizdir. Bəs bütün bu fləşmoblar? YouTube olmasaydı, onlar öz həyətlərindən kənara belə çıxa bilməzdilər.

Youtube təkcə musiqi məhsulu ilə zəngin deyil, burada müxtəlif sosial çarxlar, zarafatlar, əyləncələr, bir spzlə, hər şey var. Hər bir insan özü üçün YouTube-u məşhurluğa gedən tramplin kimi kəşf edib. İndi populyar olmaq üçün heç bir televiziyaya ehtiyac yoxdur. Bir kamera və bir ideya kifayətdir ki, sizin videonuz internetdə milyonlarla baxış və layk toplasın. Hər halda, çoxları məhz belə düşünür. 

Sayt dəfələrlə tənqid olunub və hatta bağlanıb da. Ən başlıca səbəblər - kanalda işgəncə xarakterli çoxsaylı videoların yayımlanması olub. Amma nə etmək olar? Heç kim bizə qadağa qoya bilməz. Seçim hər zaman istifadəçinin əlindədir. İşgəncəli videoya baxıb-baxmamaq bizim özümüzdən asılıdır.