Healthy Fest-ə hazırsınızmı? ;) Pullman Bakı ilə birlikdə Urban.az şəhər onlayn-jurnalı hər kəs üçün Sağlamlıq festivalı təşkil edir!
Oktyabrın 20-də biz meditasiya edəcək, zumba rəqsini oynayacaq, yoqa və pilateslə məşğul olacaq, özümüzü parkurda sınayacaq, musiqi dinləyəcək və sağlam qida yeyəcəyik. Diotologiya üzrə məsləhətçilər düzgün qidalanmaya dair tövsiyələr verəcək, peşəkar vertebroloq isə ilkin baxışlar keçirib, beldəki ağrılardan tez və asan yaxa qurtarmağın qaydalarını açıqlayacaq.
Rahat idman geyimi və ayaqqabısında gəlin, piknik üçün kiçik xalça və örtüklər gətirin, istirahət edin, öyrənin, əylənin və zövq alın.
Uşaqlarınız və ev heyvanlarınızla gəlin (itlər yalınız xaltalanmış şəkildə).
Təmiz havada yoga – istirahət gününün ən yaxşı başlanğıcıdır. Yoga Shahi studiyasının təlimçiləri hər kəs üçün sağlamlıq və harmoniya əldə etməyə kömək edəcək dərslər keçirəcək.
Bəziləriniz isə studiyada istənilən yoqa növünün 4 dərsinə abunəlik qazanacaq.
Ruhiyyə Əşrəfli kaoşiki rəqsi üzrə master-klass keçirəcək. Bu rəqs – insanın alnından pəncələrinədək bütün bədəninə müsbət təsir göstərən, dünya görüşünü yaxşılaşdıran və şüuru genişləndirən yoqa hərəkətləridir.
Yoqanın fəlsəfəsinə əsasən, kaoşiki rəqsi qadın ağlının inkişafını stimullaşdırır, onu daha güclü və daha iti edir və mikrokosmos həddinə çatmağa imkan verir.
Buna görə də kauşiki yalnız bir kardio məşq deyil, həm də mənəvi qida kimi qəbul edilir.
Pilates nədir? Pilates texnikası dünyada niyə bu qədər tez məşhur oldu? Pilateslə məşğul olmaqla hansı nəticələr əldə etmək olar?
Basi Pilates studiyasının təlimçiləri sizə pilates haqqında bilmək istədiyiniz hər şeyi söyləyəcək və göstərəcək, eləcə də bel ağrılarının müalicəsi ilə əlaqədar məsləhətlər verəcəklər. Uşaqlar üçün pilates dərsləri ayrıca keçiriləcək.
Həmçinin siz Basi Pilates studiyasını ziyarət etmək üçün bir aylıq kupon qazanmaq və burada idmançılar üçün hazırlanan ləzzətli şirələri sınamaq fürsətini də əldə edəcəksiniz.
"Heç bir sərhəd yoxdur, yalnız maneələr var, istənilən maneəni isə aşmaq olar". Sağlamlıq Festivalında Art of Movement studiyasının məşqçiləri sizə bədəninizin nəyə qadir olduğunu göstərəcək və 15% endirimlə hədiyyə abunəliyini təqdim edəcəklər.
Inanılmaz tullanmalar, maneələrin dəf edilməsi və sürət – düzgün məşq etsəniz, bütün bunlara nail ola bilərsiniz.
Beliniz ağrıyır? Bakının ən yaxşı vertebroloqundan məsləhət almaq istəyirsiniz? Spine Clinic-in təsisçisi Vaqif Yaqubov saat 13: 00-dan 16: 00-dək festivalımızda pulsuz baxışlar aparacaq və tövsiyələr verəcək.
Health Fest festivalının sponsoru Go Sport brendi festivalda geniş çeşiddə idman malları və 100 azn dəyərində alış-veriş kuponunu qazanmaq imkanı təqdim edəcəkdir.
Brendin peşəkar məsləhətçisi idmanla məşğul olmağın faydasından və idman geyiminin və idman ayaqqabısının düzgün seçilməsinin vacibliyindən danışacaq.
Fasilə zamanı isə sizi piknik gözləyir: gözəl fotozona, rahat atmosfer və heyrətamiz fud-testinq sizə festival boyunca keçiriləln yoqa, pilates və zumba dərslərindən sonra yaxşı istirahət vəd edir.
Giriş pulsuzdur! Hər kəsi 20 oktyabrda Pullman Baku otelində gözləyirik. Yeri gəlmişkən, lotereyada bu oteldən həmçinin 300 manatlıq abunəlik də oynanılacaq.
URBAN.az-la gözəl bazar günü keçirin!
