Kim deyir ki, muzeylər darıxdırıcı olur? Biz Bakıda özünüzü mədəni cəhətdən zənginləşdirə biləcəyiniz, miniatür kitablarıyla öz görmə qabiliyyətinizi korlaya biləcəyiniz və müasir incəsənətlə daha dərindən tanış ola biləcəyiniz 8 maraqlı muzey tapmışıq.

1. Arxeologiya və Etnoqrafiya Muzeyi

Əvvəllər muzeyin binasında Nəriman Nərimanov adına tikiş fabriki fəaliyyət göstərirdi. Sovet hakimiyyətinin qurlmasından əvvəl isə bu bina "Zəncirli ev" kimi tanınırdı. 1976-cı ildə açılmış muzey etnoqrafiya və arxeologiya hissələrindən ibarətdir. Xalqımızın XIX əsrdə və XX əsrin əvvəllərindəki həyatı ilə marqlanırsınızsa, muzeyin etnoqrafiya şöbəsi sizin üzünüzə açıqdır, daha əvvəlki dövrlərlə maraqlananlar üçünsə muzeyin arxeologiya şöbəsi fəaliyyət göstərir. 2000-dən çox eksponat arasında qazıntılar zamanı tapılan qızıl-zinət əşyaları, silahlar, ibadət əşyaları və digər artefaktlar var.

2. "Qala" tarixi-etnoqrafik qoruq

3. Daş salnamə muzeyi

Bu muzey Simens qardaşlarının 1901-ci ildə tikdirdiyi elektrik stansiyasının ərazisində yerləşib. Stansiyanın tikilməsindən 114 il sonra fəaliyyətə başlayan bu muzeydə Qala və Qobustan da daxil olmaqla ölkəmizin bütün bölgələrindən gətirilmiş yazılı daş nümunələri saxlanılır. Birinci mərtəbədə siz Qobustan daş salnamələrini, ikinci mərtəbədə isə Orta Əsrlərə aid əşyaları görə bilərsiniz.

4. Miniatür Kitab Muzeyi

Bu muzeyi ziyarətə gedərkən özünüzlə eynək və ya böyüdücü şüşə götürün. Muzeydə təqdim olunan miniatür kitablar yüksək dərəcəli qayğıkeşliklə rəssam Tahir Salahovun bacısı Zərifə Salahova tərəfindən toplanmışdır. Dünyada yeganə olan bu kolleksiya 64 ölkədən gətirilib iki otaqda toplanmış 25 min eksponatdan ibarətdir. Muzey Şirvanşahlar sarayının yaxınlığında yerləşir.

5. Milli İncəsənət Muzeyi

Ayvazovski və Kandindinskinin əsərlərindən zövq alan hər kəs öz ruhunu ən iri Azərbaycan Milli İncəsənət Muzeyində qidalandıra bilər. Burada siz rus və Avropa rəsm əsərlərindən ibarət kolleksiya ilə yaxından tanış ola bilərsiniz. Həmçinin burada qədim Azərbaycan naxışları və sosialist realizminin əsərləri də var. Muzeydə 1700-dən çox eksponat var. Bununla kifayətlənməyənlər xüsusi konsert və mühazirə dinləyə, eləcə də sərgiləri ziyarət edə bilər.

6. Villa Petrolea 

Nobel ailəsi ilə yalnız məşhur Nobel Mükafatı deyil, həm də Azərbaycanda neft bumu əlaqələndirilir. Öz əməkdaşları üçün səhrada əsl şəhər salan Nobel qardaşları həmin şəhərin mərkəzində möhtəşəm villa tikdirirlər. Nobel qardaşlarının şəxsi əşyaları, şəkilləri və portretləri həmin villada yerləşən muzeydə XIX əsrin sonu-XX əvvəlindəki atmosferi yaradır. Özünüzü neft milyonçusu kimi hiss etmək istəyirsinizsə, təcili sürətdə həmin muzeyi ziyarət edin.

7. Müasir İncəsənət Muzeyi 

Bu, quşdur ya təyyarə? Xeyr, bu, əvvəl gördüyünüz hər şeydən ciddi şəkildə fərqlənən müasir incəsənətdir. Eksponatların qeyri-adiliyi sizi çaşdırmasın. Axı hər rəssamın öz görmə qabiliyyəti var. Müasir incəsənət əsərlərini müxtəlif cür anlamaq olar. Bu əsərlərin cazibəsi məhz bundadır. Burada siz həm Azərbaycan rəssamlarının, həm də Salvador Dali, Mark Şaqal və Pablo Pikasso kimi dahilərin əsərlərilə yaxından tanış ola bilərsiniz. 

8. Qara Qaraevin ev-muzeyi 

Bəstəkar Qara Qarayevin ev-muzeyində hər an musiqi sədaları eşidilir: burada notlar, afişalar, proqramlar, eləcə də dahi maestronun şəxsi əşyaları və kitabları sərgilənir. Həmin atmosferə tamamilə qərq olub musiqini dinləmək istəyənlər üçün muzeydə çoxlu sayda qulaqcıqlar asılmışdır. Hər kəs dinləmək imkanına malikdir.