URBAN: "Adi şəhər sakininin təyarədən tullana biləcəkmi?" - sualına cavab tapmaq qərarına gəlib. Əlbəttə ki, paraşütlə. Naviqator sualımıza cavab tapmadı. Facebook isə dərhal Banzai paraşüt klubunun ünvanını təklif etdi. Səhifəyə gözəyarı nəzər yetirdikdən sonra anlaşıldı ki, klubda demək olar ki hər ay paraşütlə tullanma həyata keçirilir.
Səhifədə qeyd olunan nömrəyə (+99455 6170931) zəng etdikdə öyrəndik ki, paraşütdən atlamalar Balakən şəhərində həyata keçirilir. Atlamadan bir gün öncə hazırlıq keçirlər, növbəti gün isə məşqçilərin nəzarəti altında paraşütdən tullanma "baş verir" (ilk dəfə məhz belə olur).
Atlamanı yalnız 18 yaşına çatmış şəxslər həyata keçirə bilərlər. Xüsusi arzusu olan 16 yaşlı uşaqlar valideynlərinin yazılı razılığından sonra paraşütlə tullana bilərlər. Kluba pasportun 2 nüsxəsini və 4 ədəd 3x4 sm şəkli təqdim edilməlidir. Atlamanın qiyməti 77 manatdır. 12 manat bazada qalma haqqıdır. Əgər siz ilk dəfə tullanırsınızsa, kluba üzvlük haqqı 21 manat, ikinci dəfə artıq 11 manat təşkil edir. Bu tam simvolik bir məbləğdir. Klubun məişət xərcləri üçün. Tullanmanı beşıncı dəfə həyata keçirən təcrübəli insanlar isə bunu pulsuz edirlər. Bizim belə bir təcrübəmiz yox idi, ona görə də, bütün təlimlərdən keçmək qərarına gəldik.
Beləliklə, birinci gün.
Şənbə günü səhər saat 8:00-da "banzayçılar" Bakıdan yola düşdülər. Balakənə qədər olan 430 km-lik yol 5 saat vaxtımızı aldı. Nəyə görə məhz Balakən? Sən demə, hələ sovetin vaxtında xüsusi təşkil olunmuş komissiya müəyyən edib ki, Balakən külək və yağıntı baxımından paraşüt idmanı üçün ideal yerdir.
Balakənə çatdıqda biz öncə nahar etdik, sonra isə təlimlərə başladıq. Təlimçilərin sözüylə desək, "biz sizi təyyarədən elə-belə də tullaya bilərik, amma qanunla problemlər yaşamaq istəmirik. Meyitləri gizlətmək üçün də yerimiz yoxdur :)". Ona görə də, əvvəl nəzəri, sonra isə təcrübi təlimlərdən keçməli olduq.
Yeri gəlmişkən, təlimçiylə birlikdə atlamaq barəsində düşünməyin belə. Maraqsız və lazımsızdır. Hər halda, təlimçilər belə dedilər. Klubun hər bir təlimçisinin 10+ sayda tullanmalarını nəzərə alsaq, onların sözlərinə inanmalı olduq. 2010-cu ildən Banzai təlimlərlə birgə 400 tullanış həyata keşirmişdir. Klubda artıq 10 "dərəcəli" (5-dən artıq tullanma həyata keçirənlər dərəcə alırlar) var. Maraqlısı odur ki, tullananların 40%-i qızlardır. Ona görə də, "zəif cins" haqqındakı söhbətləri unudun.
Deməli, əvvəlcə paraşütlər. D-6, D 1-5u. Nə deməkdir, necə yığmaq, nəyi dartmaq (dartmamaq da olar).
Sonra tullanışın texnikasını nəzəri cəhətdən izah edirlər. Təcrübə ilə də. Təlimlər zamanı 1,5 metrlik tramplindən tullanırlar. Əlbəttə ki, təəssürat eyni deyil, amma "məşq etmək" olar.
Təlimlər gecəyə qədər davam edir. Sonra isə təlimçilərlə söhbətlə, onların tullanışlar barəsindəki əhvalatları. Elə bil, o qədər də qorxulu deyil.
Bazada çarpayılar, ayaqyolu, hətta duşla təchiz olunmuş gecələmə otaqları var.
İkinci gün.
Tullanış AN 2 təyyarəsindən həyata keçirilirdi. Bizə bildirildi ki, bu, paraşütdən tullanmaq üçün ən əlverişli təyyarədir. Amerika filmlərində Cessna-dan tullanırlar, lakin o təyyarələrin tutumu cəmi 4-5 nəfərdir. AN 2 isə 10 nəfər tutur.
Təyyarə yüksəlməyə başlayır. Budur, "buraxın məni burdan" fikri heyranlıqla əvəz olunur. Yeri gəlmişkən, tullanma 1000-1500 metr məsafədən həyata keçirilir. İnanın, birinci dəfə üçün kifayət edir. İlk dövrədə 3 nəfər tullanır, ardınca təyyarə yüksəlir. İkinci dövrdə daha 3 nəfər tullanır və təyyarə bir az da yüksəlir. Nəhayət, ən təcrübəlilər isə maksimal 1500 metrdən tullanırlar.
Əslidə, "ipi dartmağı unutmaq" qorxusu boş şeydi. Sən demə, belə bir şey baş verərsə, siz təyyarədən çıxan kimi avtomat sizin əvəzinizə bunu edəcək. Bizi sakitləşdirdilər: desant paraşütü ilə qəzaya uğramaq üçün həddindən artıq çox çalışmaq lazımdır. Biz də çalışmamaq qərarına gəlirik və yüksəklikdən, başımızın üzərindəki 83 kvadrat mertlik paraşütdən zövq almağa çalışırıq. Mənzərə insanı valeh edir.
Enmə isə həqiqətən də, məsuliyyətli andır. Təlimata əməl etməsəniz zədələnə bilərsiniz. Çox yox. Amma yenə də, əməl edin.
İnanılmaz hisslərdir. Bu hissi həyatda heç olmasa bir dəfə yaşamaq lazımdır. Tullanmadan sonra siz attestat alır və özünüz qərar verirsiniz: sizin ürəyinizcədir, ya yox. Çoxlarını səma cəlb edir və onların hesabında 10-dan artıq tullanma var. Bir də ki, 5-ci tullanmadan sonra siz 3-cü dərəcə alırsınız, 50 tullanmadan sonra isə - 2-ci. Və əlbəttə ki, 500-cü tullanmadan sonra paraşüt idman növündən 1-ci dərəcə əldə edirsiniz.
Özümüz üçün belə bir kəşf etdik - Azərbaycanda paraşüt idman növünü inkişaf etdirmək istəyən insanlar var. Klubun rəhbərliyi 4 nəfərdən ibarətdir: Oleq Əmirov (8 tullanma), Əlirza Fiqarov (1 tullanma), Murad Əliyev (10+), Fəxri Nəzərli (11 tullanma). Amma məşqçilərin sözlərinə görə, idman növünü inkişaf etdirəcək könüllülərə çox ehtiyacları var. Onlar öz növbələrində, hər zaman öyrətməyə və yardım etməyə hazırdırlar. Ona görə də,səmaya vurğun könüllülər, hamı sizi gözləyir.
Banzai klubu bu yaxınlarda paraplanla uçuşlar da həyata keçirməyə başlayıb. Bunun üçün çox da uzağa getməyə ehtiyac yoxdur - Qobustanın girişində əla meydança var.
P.S. Əks göstərişlər: psixi və nevroloji xəstəliklər, ürək-damar sistemi xəstəlikləri, dayaq-hərəkət aparatının xəstəlikləri və cari ildə iri sınıqların olması, şəkərli diabet, yüksək dərəcəli yaxındangörmə, otit və s.
