URBAN.AZ
URBAN.AZ

Telegram Banner

COVID-19 koronavirusunun yayılması təhlükəsi ilə əlaqədar Azərbaycan Nazirlər Kabineti xüsusi karantin rejimi tətbiq edib. İlk bəndlərdən biri 65 yaşdan yuxarı vətəndaşların evdən çıxmasını qadağan edir.

Əmək və Sosial Müdafiə Nazirliyinin işçiləri tərəfindən tənha vətəndaşlara sosial yardımın göstərilməsi nəzərdə tutulmuşdur. Yardım almaq üçün Nazirliyin qaynar xəttinə zəng edərək qeydiyyatdan keçmək lazımdır.

Əmək və Sosial Müdafiə Nazirliyinin qaynar xətti 142-dir. 

Müraciətlərin çox olması səbəbindən 142 nömrəli qaynar xətt bütün sorğulara cavab verə bilmir. Urban karantin dövründə yaşlı vətəndaşları dəstəkləyən digər təşkilatlar haqqında məlumat toplayıb. 

Heydər Əliyev Fondu

Regional İnkişaf İctimai Birliyinin könüllüləri Heydər Əliyev Fondunun sosial layihəsi çərçivəsində Azərbaycanın bütün şəhər və bölgələrində 65 yaşdan yuxarı tənha insanlara yardım göstərir.

Vətəndaşlara qida məhsulları paketləri və dərman vasitələri çatdırılır. Həmçinin onlar üçün evdə tibbi müayinə də aparılır.

Əlaqə: “Regional İnkişaf” İB-nin qaynar xətti 150-dir.

DOST

"DOST Könüllüsü" proqramının iştirakçıları 65 yaşdan yuxarı tənha vətəndaşlara sosial və məişət xidmətlərinin göstərilməsində kömək edir.
Vətəndaşlara ev işlərində, zəruri malların alınmasında, kommunal ödənişlərin həyata keçirilməsində kömək olunur.

Əlaqə: 142 

"Güc Birlikdədir" sosial layihəsi

Berg Energy və Bizon Energy-nin birgə layihəsi çərçivəsində yaşlı vətəndaşlar iki ay müddətində qida ilə təmin edəcək. Kömək almaq üçün layihənin rəsmi Facebook səhifəsinə tənha yaşlı insanlar haqqında məlumat göndərmək lazımdır. Zəruri yoxlamadan sonra göstərilən ünvana qida göndəriləcək.

Layihənin səhifəsində 65 yaşdan yuxarı tənha vətəndaşlara kömək təklif etmək olar.

Əlaqə: Güc Birlikdədir

ASAN XİDMƏT

65 yaşdan yuxarı tənha vətəndaşlara, həmçinin ASAN xidmətinin könüllüləri da kömək edəcək. Zəruri qida məhsulları və dərmanların alınmasında kömək almaq üçün yaşlı insanlar veb saytda sorğu yaza və ya xidmətin çağrı mərkəzinə müraciət edə bilər.

Əlaqə: 108 (5)

Vacib məlumat: 65 yaşdan yuxarı insanlar koronavirusa qarşı ən həssas əhali kateqoriyası sayılır. Məhz buna görə Nazirlər Kabineti bu kateqoriyalı vətəndaşları karantin dövründə evlərini tərk etməməyə çağırır.


Şərhlər