Ginnessin rekordrdlar kitabının pivədən başldağını bilirsinizmi? Daha doğrusu, kitabın ilk nüsxəsini 1955-ci ildə sifariş verən Ginness şirkətinin pivə zavodundan. Məsələ burasındadır ki, yerli sakinlər İrlandiya və Britaniya pablarında pivə içərkən öz aralarında bu və ya digər nəticənin rekord olub-olmadığı haqqında tez-tez mübahisə edirdi. Bunu görən Hyu Biver mötəbər bir mənbənin bu mübahisələrə son qoya biləcəyini düşündü. O vaxdan bu kitaba ən qeyri-adi nailiyyətlər daxil edilir. Bu kitabda, həmçinin azərbaycanlıların da adı var.
İnsan rəsmini hansı müddət ərzində çəkə bilərsiniz? Adı Ginnessin rekordlar kitabına daxil edilmiş ilk azərbaycanlılardan biri Fəxrəddin Vəliyev cəmi beş dəqiqə ərzində iyirmi insan təsviri çəkir. Rəssamın adı kitaba 2004-cü ildə salınmışdır.
Eltibar Elchiev sizə nə vaxtsa qonaq gəlsə, qaşıqları ondan gizlədin. Bu şəxs öz bədənində hamıdan daha çox sayda dəmir əşya saxlaya bilir. O, İtaliyada öz bədəninə qaşıqların 50-sini birdən yapışdırmışdır! Adı Ginnessin rekordlar kitabına 2014-cü ildə salınmış bu maqnit-insan ORT telekanalında "Mən bacarıram" ("Я могу") verilişində öz bədəninə 6o mətbəx alətini birdən "yapışdırdı".
Bu Azərbaycan pəhləvanı yalnız bu rekorda imza atmaqla kifayətlənmədi. Belə ki, 2015-ci ildə o, hər biri 1100 kq çəkiyə malik iki "Nissan" avtomaşınını 10 metr sürüdü. Bu zaman onun sinəsinə bərkidilmiş metall lövhə üzərində 60 kq çəkisinə malik insan oturmuşdur. Biz Etibarın bunları necə etdiyini bilmirik, lakin onun superpəhləvan bacarıqlarının olmasına əminik.
Həmyerlimiz Üzeyir Novruzov tarazlığın nə olduğunu çox yaxşı bilir. Adı Ginnessin rekordlar kitabına düşən bu sirk ustası 2016-cı ildə 6 metr hündürlüyündə nərdivana qalxmış və orada 8 dəqiqə dayanmışdır. Hazırlanmasına bir neçə ay tələb olunan bu sirk nömrəsi Chində təqdim olunmuş və yalnız orada deyil, bütün dünyada səs-küy yaratmışdır. Nərdivan-adam təxəllüsü ilə çıxış edən Üzeyir Gəncədə anadan olmuşdur. Sonra o, Amerika Birləşmiş ştatlarına köçmüş və orada «America's Got Talent» verilişində məhşurluq qazanmışdır.
Rekord vuranlar Azərbaycanın yalnız yetkin sakinləri deyil. Yeddi yaşlı Ələskər Həsənzadə uzanaraq 1 saat 45 dəqiqə 25 saniyə ərzində nə az, nə çox, düz 3 min dəfə əlləri üstə qalxb-enmiş, yəni jim vurmuşdur. Bəzən biz, hətta on dəfə belə jim vurmağa tənbəllik edirik. Bu gənc lənkaranlı daha bir nailiyyətə imza atıb: o, Ginnessin siyahısına düşən ilk uşaqdır.
Lerik rayonunun çobanı Şirəli Müslümov isə yalnız Azərbaycanın deyil, bütün planetimizin ən yaşlı sakini sayılır. Uzun ömürlünün pasportunda onun 168 yaşının olması qeyd edilib. Bəzi qərb tədqiqatçıları azərbaycanlının yaşının 40-50 il artırıldığını iddia etsələr də, o, 1993-cü ildə Ginnessin Rekordlar Kitabına düşdü. Şirəli Müslümovun üçüncü həyat yoldaşı 104 il yaşamışdır.
Yeri gəlmişkən, deyəsən, Lerik bölgəsində cavanlıq mənbəyi aşkar olunub: statistikaya əsasən, yaşı 100-də artıq olan insanların əksəriyyəti məhz buradqa yaşayır. İkinci məşhur uzunömürlü sayılan 152-yaşlı Mahmud Eyvazov uzunömürlülüyün heç bir xüsusi sirri olmadığını düşünür: o, heç vaxt siqaret çəkməmiş, heç vaxt spirtli ilşki içməmiş və heç vaxt yalan danışmamışdır. Bizə isə bu yaşam tərzinin uzunömürlü olmağa səbəb olmasını yalnız yoxlamaq qalır.
