2019-cu ildə ölkəmizdə istirahət etmək qərarına gələn xarici vətəndaşların sayı 11,4% artıb: Rusiya, Gürcüstan, İran, Türkiyə, Asiya və Avropa ölkələrindən 3,17 milyon turist Azərbaycanı ziyarət etmişdir. 

2019-cu ilin yanvarından dekabrınadək Azərbaycana Avropadan 224 min turist gəlib ki, bu da 2018-ci illə müqayisədə 14,7% artıqdır:

• Böyük Britaniya - 36 min (2018-ci illə müqayisədə 25,3% artım);
• Almaniya - 20 min (2018-ci illə müqayisədə 19,4% artım);
• İtaliya - 12 min (2018-ci illə müqayisədə 10,8% artım)
• Fransa - 9 min (2018-ci illə müqayisədə 15,2% artım).

Ölkəmizi, həmçinin Cənubi Asiyalı qonaqlar da ziyarət edib:

• Hindistan - 65 min (2018-ci illə müqayisədə 66,8% artım);
• Pakistan - 46 min (2018-ci illə müqayisədə 12,9% artım).

Türkmənistan Orta Asiya ölkələri arasında liderdir: turistlərin sayı 85% artıb.

• Qazaxıstan - 47 min (2018-ci illə müqayisədə 26,1% artım);
• Özbəkistan - 23 min (2018-ci illə müqayisədə 28,3% artım).

Ölkəmizə gələn İsrail 17%, Səudiyyə Ərəbistanı 46,7%, Çin vətəndaşlarının sayı isə 62.4% artıb.