Dünyanın ən məşhur diyetoloqu Henri Şenonun, ikinci sağlamlıq mərkəzini açdığı Qəbələyə getdik və buraya qayıtmağımız üçün 11 səbəb saydıq.

1. Yaxşı, ilk növbədə, bu, gözəldir.

Chenot Palace şam meşəsində, Nohur gölünün sahilində yerləşir. Deyirlər, Anri Şeno şəxsən ərazi üzərində helikopterlə uçub və öz iqamətgahı üçün yer seçibmiş. Merano adlı italyan şəhərciyində yerləşən onun ilk sağlamlıq mərkəzinin populyarlığına nəzər yetirsək, Şenonun gözəllikdən anladığı görərik. Chenot Palace fəlsəfəsi onu əhatə edən landşaftda əks olunur: gölün sakit səthində, şəlalələrin gurultusunda, meşələrin sükutunda, Qəbələnin təpələrinin harmonik rəvanlığında. Bu heyrətamiz yerdə təbiətin gözəlliyi, əmin-amanlıq və xüsusi enerji uzlaşır. Səs-küydən və böyük şəhərlərin təlaşından uzaqda istirahət, "batareyaları yenidən yükləmək" və gündəlik ətalətdən tükənmiş enerji ehtiyatını doldurmaq mümkün olan gözəl məkan. Oteldə 72 nömrə və xüsusi SPA-zonası olan 3 villa var. Özü də hər nömrənin pəncərəsindən gölə möhtəşəm mənzərə açılır. Qəbələ Beynəlxalq hava limanından Chenot Palace-a qədər cəmi 35 km-dir.

2. Tibbi mərkəz

Chenot Palace-da rahat istirahət müalicə ilə uzlaşır. Chenot Palace qonaqlarını səhərdən axşama qədər terapiya, kardiologiya, idman təbabəti, enerji tibbi, akupunktura, estetik tibb, qida, osteopatiya, fiziki terapiya və fitness sahəsində yüksək ixtisaslı avropalı mütəxəssislər komandası müalicə edir. Chenot Palacedə yaxşı, davamlı nəticələr əldə etməyə imkan verən ən müasir və səmərəli texnika və texnologiyalar tətbiq olunur.

Tibb mərkəzi 6000 kvadratmetr sahəni tutur, müasir avadanlıqla təmin olub və tibbi diaqnostika və cek-ap keçirilməsinə yönəlib. Şenonun nadir metodunun tətbiqi ilə birlikdə, bu, Chenot Palace Gabala mütəxəssislərinə hər bir qonaq üçün indivudual, onun orqanizminin tələbatına uyğun gələn, bədənə zəhərlərdən xilas olmağa, qidalı maddələri mənimsəməyə, həyat tonusunun enerji səviyyəsini artırmağa, orqanizmə fizioloji tarazlığı qaytarmağa kömək edən və davamlı sağlamlıq effekti verən səhiyyə proqramı tərtib etmə imkanı verir. Əgər tövsiyyə olunan düzəlişlər fərdi tələbatlara uyğun həyat tərzinə daxil edilərsə, müalicənin nəticələri yaxşılaşdırıla bilər.

Gəldikdən sonra, hər bir qonağı gözləyir:

• Tibbi məsləhət

• Diyetoloqun məsləhəti

• Bioenergetik müayinə

• Biokimyəvi analiz

• Oksidativ stressin qiymətləndirilməsi

• Damarların bioloji yaşının müəyyən edilməsi

• Qlikolizin son məhsullarının müəyyən edilməsi (AGE)

• Minerallarla və ağır metallarla zəhərlənmənın dərəcəsinin təhlili

• Dərinin kollageninin qiymətləndirilməsi

• 211 qida məhsuluna qarşı keçiriciliyin təyin edilməsi və sonra, test nəticələrindən asılı olaraq, qonaq sağlamlıq proqramı seçə bilər. Siyahıda Detox (7 gün), anti-yaş proqramı (7 gün), anti-stress (7 gün), artıq çəki itirmək üçün maddələr mübadiləsinin optimallaşdırılması proqramı(14 gün), aktiv Detox (3 gecə) proqramları var.

3. Detoks-pəhriz - düzgün qidalanma

Şeno pəhrizi - sağlamlıq metodunun mühüm hissəsidir. O, sağlamlığın təkcə tərkib hissələrindın asılı olmadığını nümayiş etdirməyə imkan verir ki: kalorilik, qida dəyəri, hazırlanma texnologiyası, gözəl dad və yeməyin xarici görünüşü də mühüm rol oynayır. Pəhriz bədənin təmizlənməsi üçün zəruridir, hüceyrə səviyyəsində yaşlanma və iltihaba qarşı bərpaedici mexanizmləri işə salmağa kömək edir. Pəhriz və prosedurların birləşdirilməsi orqanizmin hərtərəfli sağlamlaşdırılmasına xidmət edir. Qonaqlar, həmçinin sağlam həyat tərzi aparmağa kömək edən, bununla da  sağlamlığı uzun illər qorumağa imkan verən gündəlik həyatları üçün yemək üzrə tövsiyyələr alırlar.

4. Cavanlaşma

Özünüzü 10-20 yaş cavan hiss etmək və belə görünmək istəyirsiniz? Chenot Palace terapevtlərinə inanın. Onlar sizin üçün cavanlaşdırma üzrə aşağıdakı prosedurları əhatə edəcək şəxsi proqram təşkil edəcəklər:

•Bioenergetik müalicə

• Akupunktur

• Aurikulo-akupunktur

• Biofotomodelləşdirici müalicə

• Sistemli ozon terapiyası

• Vitamin kompleksləri ilə sistematik zənginləşdirmə

• Hidrokolonoterapiya

"Çıxışda" silkələnmiş, toksin və stresdən təmizlənmiş, güc və sağlamlıq dolu gənc orqanizm əldə edəcəksiniz.

5. Arıqlama

Hamıya məlumdur ki, artıq çəki - sağlamlıqla bağlı bir çox problemlərin əsas səbəbidir. Chenot Palace-da  siz asanlıqla artıq çəkinizi atacaqsınız. Əvvəla, 3-cü bənddə haqqında yazdığımız pəhriz, ikincisi isə, məhz arıqlamğa yönəlmiş bir sıra prosedurlar. Məsələn, pnevmo-massaj aparatında limfodrenaj, Lymphastimlə doldurulmuş kombinezonla ayaqlar və ombanın sanki "qucaqlanması".

6. Masaj

Şeno metodu ilə detoks-masaj haqqında eşitmisiniz? Təkcə bu möcüzəli masaja görə yüzlərlə adam Anri Şenonun Meranodakı klinikasına gəlirlər. İndi isə o, bizim əlimizin altındadır. Bu masaj zamanı xüsusi metodların və detoksikasiya elementləri üçün yüksək effektli vasitələrin köməyi ilə dərində yerləşən toksinlər ifrazedici sistem üzrə yığım nöqtəsi istiqamətinə çıxarlır. Əllə vasitəsilə və boşluq banka masajı kimi xüsusi qurğuların birgə fəaliyyəti şəklində mövcud olan bu metod zəhərləri çıxarır və hüceyrə regenerasiyasını stimullaşdıraraq,  orqanizmdə dalğavarı maye hərəkətini sürətləndirir. 

Bundan əlavə, Şeno üsulu ilə enerji masajı geniş tanınır. Meridianların içərisində sorucu orqanlar vasitəsilə enerji axınını asanlaşdırma və təmizləmə istiqamətində olan bu müalicəvi enerji qan dövranını, limfatik sistemi tarazlaşdırır, həmçinin qeyri-adi ümumi gümrahlıq hissi verir.

7. Krioterapiya

5 il bundan əvvəl mən ilk dəfə Monakoda  kriokameraya girdim. "110^o C temperaturda bədən tək çimərlik geyimində yaşaya bilər" fikrini şüur çətinliklə qavrayırdı. Sən demə, o buna qadir imiş. Özü də eyni zamanda gəncləşmək, habelə bir sıra dermatoloji problemləri həll etmək və stress atmaq mümkün imiş.

Krioterapiya xroniki iltihabi xəstəliklərin aradan qaldırılması üçün çox səmərəli müalicədir, bundan başqa, o  gücü bərpaedicidir, psixoloji vəziyyəti yaxşılaşdırır, orqanizmin iş qabiliyyətini artırır, ağrısızlaşdırır, dəriyə parlaqlıq verir, xəstəyə diskomfort yaşatmadan yuxunu müalicə edir və yaxşılaşdırır. Həkimin göstərişindən sonra bütün bədən soyuducu kamerada maksimum 3 dəqiqə ərzində 110^o C temperatur təsirinə məruz qalır. Bu qısa müddətli fizioterapiya proseduru uzunmüddətli effekti ilə səciyyələnir. Digər üsulların müalicəvi xüsusiyyətlərinin istifadəsini maksimum dərəcədə artırmaq üçün tez-tez digər müalicələrlə birləşir.

8. Hidroaromoterapiya

Şəhərdə gərgin iş gününün qızğın vaxtında ağla tez-tez bir fikir gəlir: indi toranlıqda, şirin iylərlə dolu isti vanna qəbul edərdim. Chenot Gabala-nin qonaqları hər gün belə vanna qəbul edirlər.

Hidroaromaterapiya su olan vannaya xüsusi yağların qarışığı əlavə edildiyi xüsusi hidromasaj növüdür. Suyun istiliyi və təzyiqinin dəyişməsi həll edici rol oynayır və bitki ekstraktlarının termodinamik təsiri ilə birlikdə kapilyarların genişlənməsi və daralmasına səbəb olur. Bu hərəkət toksinləri və yağ tərkibini dəridən çıxarılması üçün təbii fizioloji funksiyaları stimullaşdırır. Bu terapiya da dərinin qocalması effektləri ilə mübarizə aparır, hüceyrələrin  spontan regenerasiyasını təşviq edir, dərinin xarici görünüşünü, həmçinin ümumi periferik qan dövranı və limfatik dövranı yaxşılaşdırır.

Hidroaromaterapiya həm bədəni, həm zehni rahatlaşdıran təbii maye və enerji mənbəyidir.

Xüsusi yağlar, gil, şarko duşu və bir çox başqa şeylər orqanizmin təmizlənməsi sisteminə və onun yeni, təzə enerji və vitaminlərlə doldurulmasına işləyir.

11. Açıq havada hovuz

Və desertə: Chenot Gabala-nin 1-ci  mərtəbəsində otelin ərazisində isti suda üzməyə icazə verən, həm də qışda ondan  şaxtalı havaya çıxmaq və açıq səmadan həzz almaq imkanı verən hovuz yaradılmışdır.

Bundan əlavə, Chenot Gabala qonaqlarının gözəl vaxt keçirmək üçün daha çox imkanları var:

• Dağ velosipedləri sürmək
• Skandinaviya yerişi
• Qaçış  
• Tennis
• Alpinizm.

Yalnız zövq almaq qalır.