Şəkidə hara getməli? İlk növbədə gözümüzün qabağında divar rəsmləri ilə zəngin şəkildə bəzədilmiş möhtəşəm Şəki xan sarayı gəlir.

Onun divarlarında gözəl quşların, mifik heyvanların və qeyri-adi ağacların da təsvirləri daxil olmaqla döyüş səhnələrindən tutmuş milli naxışların təsvirlərinədək hər cür təsvir var. Lakin telefon və fotoapparatınızı işə salmağa tələsməyin: şəki xanlarının yay iqamətgahında çəkiliş aparmaq qadağandır. Buna nəzarəti hər an sayıq və ciddi nəzarətçilər həyata keçirir. Bu qaydanın tələbi pozulduqda onlar sizdən əvvəlcə çəkdiyiniz fotoşəkli silməyi, sonra isə ərazini tərk etməyi tələb edir. Əgər fotoşəkil çəkmək istəyinizə qarşı çıxa bilmirsinizsə, Şəkinin dərinliyindəki Şəkinovların Evini ziyarət edin. 

_{Şəkixanovların Evi}

Öz məşhur tayının kölgəsində qalan bu bina qonağı nadir hallarda qəbul edir. Şəkiyə gələnlərin əksəriyyətinin onun varlığından heç xəbəri olmur. Yeni taxta döşəmələrin çirklənməməsi üçün girişdə bizdən ayaqqabılarımızı soyunmağımızı xahiş etdilər. Yeri gəlmişkən, döşəmələr əvvəllər torpaq idi; onlar həsirlə (bataqlıq bitkilərindən hazırlanan xüsusi örtük) və xalçalarla örtülmüşdür. İkinci mərtəbədəki iki dəhlizdən birində orijinal döşəmənin bir hissəsini görə bilərsiniz - onu nümayiş üçün saxlamışlar.

Şəkixanovların Evində Şəki xan Sarayında olduğu kimi altı otaq var: hər mərtəbədə üç otaq, kişi və qadın girişləri isə ayrıdır. Bir fərziyyədə deyilir ki, bu ev Şəki xanının qohumlarına aid olub, digərində isə onun Şəki hökmdarının 1975-ci ildə tikdirdiyi qış iqamətgahı olduğu söylənilir. Birinci mərtəbədəki mərkəzi otaqda buxarı (камин) quraşdırılmışdır, yanındakı 2 otaqdan bir mətbəx, digəri isə qulluqçuların otağı kimi istifadə olunurdu. Bu altı otaq arasında ən çox bəzədilmişi üst mərtəbədəki mərkəzi otaq idi. Digər otaqlar ibadət etmək üçün nəzərdə tutulduğundan, içərisində ibadət edilən zaman diqqətin yayınmasına heç nəyin səbəb olmaması üçün bu otaqlar daha az bəzədilmişlər. Belə qənaətə gəlmək çox asandır: bütün otaqlar üst mərtəbədəki mərkəzi otaq kimi bəzədilsəydi, diqqətin yayınmasının qarşısını almaq mümkün olmazdı.

Bir divardan qonaqlara Nizami Gəncəvinin "Xəmsə"-sinin qəhrəmanları baxırdı: gözəllər gözəli Leyli, şahzadə Şirin və yeddi Gözəl. Digər divarda heyvan, quş və yarıçılpaq mələk təsvirləri var idi. Qapılar mismarsız düzəldilmiş və petləsiz bərkidilmişdir. Məlum oldu ki, çox möhkəm və davamlı olduğundan, 2012-ci ilin bərpa işləri zamanı heç bir qapıya müdaxilə edilməmişdir. Həmçinin qapılar da gül və naxışlarla bəzədilmişdir.  

Zalın zəngin bəzəyi materialı uzaq Venessiyadan sifariş edilən güzgülü stalaktitlərdən düzəldilmiş qurşaqla tamalanır.

Bu evin əsas bəzəyi isə şəbəkələrdir. Onların sayəsində günəşli havada hətta sadə otaqlar belə möhtəşəm görünüşə malik olur. Rəngli şüşə parçalarının güzgülərdə əks olunması bu otaqları işıqlı və geniş göstərir. Evin pəncərələrinin nə dərəcədə gözəl olmasını hətta küçədən belə görmək olar.

Bu şəbəkələrin düzəldilməsi sirrlərinə yalnız azərbaycanlı ustalar malikdir. 

Azərbaycan vətəndaşları üçün ev-muzeyə giriş 2 manatdır. Əlavə ödəniş etməklə evin həyətində dadlı Şəki halvası ilə çay içmək olar. Şəkiyə gəldiyinizdə Şəkixanovlar evini ziyarət etməyi unutmayın. Yeri gəlmişkən, burada şəkil çəkməyə icazə verilir!