Bəs Böyük Britaniyaya viza almaq çətindirmi?

Böyük Britaniya səfirliyinin əməkdaşları da, həmçinin iş yeri və gəlir mənbələrinə önəm verirlər. Əgər sizin aylıq qazancınız 1000-1500 azn-dirsə və hesabınızda pul varsa, siz Böyük Britaniyaya asanlıqla viza ala bilərsiniz.

Asanlıqla viza almaq üçün orta aylıq əmək haqqı nə qədər olmalıdır?

Turistik viza üçün 700-800 manat olmalıdır. Lakin bizdə 200-250 manat maaşla viza alan şəxslər var. Onlar qohumlarının dəvətilə həmin ölkələrə gedən şəxslərdir.

Belə bir fikir var ki, əgər passportda İran vizası varsa, İsrailə və ya əksinə, İsrail vizası olan halda , İrana giriş qadağandır.

Bəli, bu həqiqətən də belədir. Əgər siz İsraildə olmusunuzsa, sizi İran körfəzi ölkələrinə buraxılmayacaqsınız. Ölkələr arasındakı siyasi münasibətlər viza verilmə qaydalarına birbaşa təsir edir. Məslən, İran və ABŞ arasında gərgin siyasi münasibətlər səbəbilə, bu ölkə vətəndaşlarına viza verilməsi dayandırılmışdır.  Eyni vəziyyət İsrail və İran körfəzi ölkələrinə də aiddir.

İsraildə olmuşam, lakin vizam köhnə passportumdadır. Bəs belə olan halda həmin ölkələr bu barədə öyrənə bilərmi?

Əlbəttə, bu elə də çətin deyil. Lakin burada belə bir sual yaranır – aldığınız vizanı tanıyacaqlarmı?! Bu suala isə dəqiqliklə cavab vermək çətindir.

Hansı ölkələrə səfər zamanı həmin ölkələrin vətəndaşlarından dəvət almaq vacibdir?

İsrail,Türkmənistan,Monqolustan və s.

Onda belə çıxır ki, mənə bu ölkələrə dəvətsiz turistik viza verilməyəcək?

Əgər sizin passportunuzda bir çox ölkələrin vizası varsa, o zaman siz İsrailə dəvətsiz viza ala bilərsiniz. Lakin ilk dəfə üçün bu çox çətindir. Digər ölkələr üçün isə bu qeyri-mümkündür. 

Əgər mən şengen vizamı Fransa səfirliyindən əldə etmişəmsə, mən ilk olaraq Fransaya getməyə məcburam?

Əgər siz şengen vizası əldə etmisinizsə, 26 ölkədən istədiyiniz birinə daxil ola bilərsiniz. Lakin vizada belə bir qrafa var: ilk giriş ölkəsi. Beləliklə, o  qrafada Fransanı qeyd etmisinizsə və Fransadan daxil olmursunuzsa, o zaman sizin üçün problem yarana bilər. Belə ki, vizaya möhür şengen ərazisinə giriş və çıxış zamanı vurulur. Əgər siz şengen ərazisinə Macarıstandan daxil olub oradan Fransaya səyahət etmisinizsə, bunu şəkillər və dəlillər vasitəsilə sübut etməli olacaqsınız. (gülür)

Yadımdadır ki, İtaliyaya viza alırdım. Səfir otağa daxil olub soruşdu:

• İlk dəfə viza alanlar kimlərdir?

Əlini qaldıranların hamısına bildirdi ki, onlara viza verilməyəcək....

Bizdə belə hal olmuşdu. Müştərilərimizdən biri 3 dəfə şengen vizası aldığı halda, indiki maddi durumu ilə əlaqədar olaraq 4-cü dəfə imtina almışdı.

Aşağı gəlirli vətəndaşlara biz Şərqi Avropaya müraciət etmələrini məsləhət görürük. Burada viza almaq daha asandır.

İrlandiyaya vizanı Türkiyə səfirliyi vasitəsilə alırdım.  Türkiyə səfirliyində mənim passportumu itirdilər. 2 ay sonra onlar mənim passportumu tapıb mənə təqdim edəndə, mən artıq yeni passportumu sənədləşdirmişdim. Bəs belə hallarda səfirliyi hər hansı bir formada cəzalandırmaq mümkündürmü?

Passportun itməsilə əlaqədar,yox. Lakin sizə vizada imtina olunubsa, siz appelyasiyaya müraciət edə bilərsiniz.

Birbaşa 5 illik şengen vizası almaq üçün nə etmək lazımdır?

İlk –öncə 3-6 aylıq vizanın alınması labüddür. Sonra isə 3-5 illk viza əldə etmək olar. Bu proses pilləvi xarakter daşıyır. Sadəcə olaraq, növbəti müraciət zamanı anketdə “5 illik” qrafanı qeyd edirsiniz.

Bunu təkəbbür kimi qəbul etməzlər ki? Birdən heç vermədilər?

Əgər siz ilk dəfə müraciət edirsinizsə, bəli. Lakin əgər siz işgüzar və məşğul insansınızsa, işlə əlaqədar olaraq tez-tez Avropaya səfər etməli olursunuzsa, bu təbii haldır.

Güzəştli şərtlər mövcuddurmu? Məsələn, mən jurnalist olaraq şengen vizasını tamamilə pulsuz əldə etmişəm. 

Doğrudur. Bu siyahıya təqayüdçüləri, 12 yaşına qədər olan uşaqları və incəsənət nümayəndələrini aid etmək olar.

Başqa ölkələrdə isə, məsələn, Filippində standart tarif yoxdur. Onlar viza üçün ödənişi turistin ölkədə qalma müddətilə təyin edirlər. 

Ən baha viza hansı viza hesab olunur?

10 illik Böyük Britaniya vizası 767 funt təşkil edir. Əslində bu, ölkədən asılı olaraq dəyişir. Bəzi ölkələrdə səfirlik rüsumlarından başqa, inzibati, kuryer ödənişləri də qəbul olunur.

Səfirliyə viza müraciəti üçün ən uyğun vaxt hansıdır?

Bu,səfirliyə görə dəyişir. Məsələn, şengen vizası üçün Böyük Britaniya səfirliynə 3 aydan səfərə 3 gün qalan müddətə qədər müraciət edə bilərsiniz. Bu zaman vizanın verilmə müddətini də nəzərə almaq vacibdir. Bu da hər səfirlik üçün fərqlidir. Bəzi səfirliklər cavabı 1 aya da verə bilərlər. Məsələn, bir dəfə ABŞ səfirliyi cavabı 3 aya vermişdi. Bu müddət ərzində sənədlər, iş yeri yoxlanılırdı.

İyunda Vizam.az şirkətinin 3 yaşı tamam olur. Turistik sferada öz rolunuzu necə qiymətləndirisinz?

Bizim əsas vəzifəmiz dünya ölkələrinin viza tələblərini Azərbaycan Respublikası vətəndaşlarına çatdırmaqdır. Həmçinin bix tur planlar təşkil edir, sənədlərin hazırlanması və anketlərin doldurulması, səfirlikdə sənəd təqdimatı üçün görüşlərin təyini ilə məğul oluruq. Hətta bəzi ölkələrin səfirliklərində viza üçün sizin yerinizə sənədlərin təqdimatı belə mümkündür. 

Ötən il ərzində xaricə göndərdiyiniz vətəndaşların sayı nə qədər olmuşdur?

2017-ci il ərzində Vizam.az şirkətinin əməkdaşları9184 müraciətdən 1365 nəfərin sənədləşmə işlərini həyata keçirmişdir. Bu isə uğurun 89% -ni təşkil edir.

Bəs sizə müraciət edənlərdən daha çox hansı ölkəyə getməyi planlaşdırırlar?

Turistlər daha çox Avropa və BƏƏ ölkələrinə üz tuturlar. Bu, bizim ötən il üçün olan statistikamızdır. 

• Avropa- 754
• ABŞ və Kanada – 310
• Asiya -  329
• Okeaniya və Avstraliya – 21
• Afrika – 17
• Latın Amerikası ölkələri – 24

Müştərilərinizi göndərdiyiniz ən qeyri-adi ölkə?

Biz müştərilərimizi Fransa səfirliyi vasitəsilə Yeni Kaledoniaya, Fici adalarına, Tanzaniyaya göndərmişik. Şpitsbergenə də gedənlər olub. Müştərinin bileti Norvecə olduğundan vizanı Norvec səfirliyi vasitəsilə həll etmişik. Kuba, Meksika, Peru, Çili, Ruanda, Keniyaya belə gedənlər var.

Oxucularımızdan kiçik bir sorğu:

Mənə İngiltərəyə işçi vizası alamaq haqqında məlumat lazımdır. Bunun üçün hansı sənədlər lazımdır?

Sponsordan(işə götürən) dəvət məktubu və illik minimal maaşın 30 000 avro təşkil etməsi barədə sənəd lazımdır.

ABŞ-a tələbə vizası almaq üçün hansı sənədlər lazımdır?

*Amerikadakı təhsil müəssəsindən sənəd (the form –i-20). Bundan başqa Amerikaya turidtik viza alınması üçün aşağıdakı sənədlər lazımdır:

*Iş yerindən arayış- vəzifə, maaş, iş müddəti göstərilməklə.

*Maddi müstəqilliyinizi sübüt edən sənədlər (bank hesab kağızları, bankdan arayış və s.)

*Tələbələr üçün hal-hazırda ali məktəbdə oxuduğunuzu sübut edən sənəd.

*Səfərin marşurutu haqqında məlumat, səfər proqramı, otel və aviabiletin rezervi.

*əmlak sənədləri ( ev,maşın, mənzil, torpaq sahəsi və s.)

*Övladlarınızın doğum haqqında şəhadətnaməsi.

Həkimlərin elmi seminarına qatılmaq üçün Norvec səfirliyinə viza almaq məqsədilə sənədlərimi təqdim etmişəm. Bu gün zəng edib bildirirlər ki, həkimlik təcrübəsilə əlaqədar lisenziyam varmı. Kimdən soruşuram, deyirlər ki, bu ağılasığmaz bir şeydir.

Bu sənədi AR Səhiyyə Nazirliyindən əldə etmək olar.

Nəyə görə tanınmayan ölkələrin (Tayvan) vətəndaşlarına Azərbaycana viza verilir, bura gələndə isə vətəndaş Bakıya buraxılmır və 5 illik deportasiyaya məruz qalır? Hadisə bu ilin yanvarında baş verib. Vətəndaş İstambul vasitəsilə Quançjouya deportasiya olunub.

Viza almaq hələ sizə ölkəyə girişi təmin etmir.

Vizadan imtina almaq nə dərəcədə qorxuludur? Bir səfirlikdən imtina alan şəxs üçün digər səfirliklərdən viza almaq çətindirmi?

Bəli, çətinləşir. Amma imtinadan sonra digər səfirliklərdən viza alan vətəndaşlar da var.

Əgər iş yerindən arayış yoxdursa, Budapeştə viza almaq mümkündürmü? Daha doğrusu, iş şəxsi sektora aiddir.

Bu zaman iş yerindən arayış əvəzinə Vergilər Nazirliyindən arayış təqdim edilməli,vergi  ödəmələri və biznesdə pay(hissə) sənədlərini göstərməli.

Fransaya viza alrkən təqayüdün məbləği ilə əlaqədar arayış və qohumluq əlaqələri haqqında sənədlər lazımdırmı?Bu yaxınlarda eşitmişəm ki, hətta mənzilin çıxarışını belə istəyən səfirliklər var. Şengen vizası almışam, amma o zamandan bəri çox vaxt keçib. Həm də vizamı özüm yox, şirkət almışdı.

Əgər tələbəsinizsə, Fransa vizası almaq üçün sponsor (havadar) göstərilməli, yaxın adam olarsa,daha yaxşı olar. Çıxarış lazım olmaya da bilər. Əgər təqayüdünüz yüksəkdirsə (daha 50 manat yox) kartınızdan çıxarış təqdim edə bilərsiniz.

Hesabında 4000 dollar olan və iş yeri olmayan tələbə sponsor göstərmişdir. Sponsorun hesabında pul olmadığı təqdirdə onun hesabından çıxarış təqdim olunmalıdırmı?

Xeyr. Tələb olunmur.