Budəfəki Tiflis səfərimiz bizə çoxlu sürpriz etdi: biz M.F.Axundovun ev-muzeyində olduq, Azərbaycan Teatrının tarixi ilə tanış olduq və Azərbaycan Məlumat Mərkəzinin necə fəaliyyət göstərdiyini öyrəndik.
Heydər Əliyev adına bağça
Tiflisin tarixi ərazilərindən biri olan Abanotubanidəki bağçaların birinin mərkəzində Heydər Əliyevin abidəsi qoyulmuşdur. Burada hər an canlanma var: turistlər ağacların fonunda şəkil çəkdirir (burada ilk ağaclar 2004-cü ildə əkilmişdir), uşaqlar qaçış yarışı keçirir, böyüklər isə skamyalarda istirahət edirlər. Bağçanın arxasında hamamlar yerləşir. Hamam görüntüsü möhtəşəm bir şəlalə ilə tamamlanır.
Адрес: Vaxtanq Qorqasali küç., 3
Tiflis Dövlət Azərbaycan Dram Teatrı
Tiflisdəki Azərbaycan Teatrının uzun və maraqlı tarixi var. Onunu əsası 1909-cu ildə Tiflis taciri Hacı-Həşım Mərdanova məxsus karvansaralardan birində qeyri-peşəkar aktyorlardan ibarət qrupun Molyerin “Zorən təbib” ("Врач поневоле") pyesinin səhnələşdirilməsi ilə qoyulmuşdur. O, dövlət teatrı kimi öz fəaliyyətinə 1922-ci ildə başlamışdır. O vaxtdan təxminən yüz il keçib, Gürcüstanda yeganə Azərbaycan Dram Teatrı vəziyyəti heç də ürəkaçan deyil: demək olar ki, şəhərin mərkəzində yerləşən binanın səthi çatlarla örtülmüşdür, tavan isə yerə düşmə təhlükəsi ilə üz-üzədir. Bizə yalnız vəziyyətin yaxşılığa doğru dəyişəcəyinə ümid etmək qalır. Belə ki, gəlişimiz zamanı teatr təmirə bağlanmışdır, teatrın gözətçisi isə bizi təmir işlərinin başa çatmasından sonra teatr öz qapılarını yenidən ziyarətçilərə açacağına inandırdı.
Адрес: Vaxtanq Qorqasali küç., 1
Mirzə Fətəli Axundov adına Azərbaycan Mədəniyyəti Muzeyi
Bizi Azərbaycanın əməkdar mədəniyyət işçisi və muzeyin direktoru Leyla Əliyeva qarşıladı. O, bizim üçün muzeydə qısa bir tur keçirdi və bizə binanın bərpa edilməsi və fəaliyyəti haqqında danışdı. Muzeyin altı geniş otağı Azərbaycan mədəniyyəti, yazıçı Mirzə Fətəli Axundov və onun ailəsi, həmçinin Azərbaycan-Gürcüstan mədəni əlaqələrinə həsr olunmuşdur. Leyla xanım qeyd etdi ki, 2013-cü ildə bərpa olunduqdan sonra mədəni görüşlərin məkanı olan yazıçının otağının daxili hissəsi tam bərpa olunmuşdur. Muzey ərazisində, həmçinin ədəbi kafe və şərab zirzəmisi də var. Leyla xanımın sözlərinə görə, muzeyi ən çox İran, Türkiyə və Rusiyalı turistlər ziyarət edir.
Girişdə audio bələdçi götürməyi unutmayın – onunla turunuz daha da maraqlı olacaq.
Адрес: Vaxtanq Qorqasali küç., 17
Nəriman Nərimanovun Ev-Muzeyi
Nəriman Nərimanovun ev muzeyi Abanotubani ərazisindən yuxarıda yerləşir. Nəriman Nərimanovun əcdadlarına məxsus və gələcək dövlət xadiminin anadan olduğu bu tarixi bina 2009-cu ildə ərazinin yenidən qurulması zamanı Mirzə Şəfi küçəsindəki digər tikililərlə birlikdə sökülmüş, lakin hər iki ölkə hökumətlərinin razılığından sonra muzey bərpa edilmiş və hətta genişləndirilmişdir. Nərimanovun əlyazmaları, kitabları və məktubları burada saxlanılır. Həmçinin orijinal binanın təxmini görünüşü də bərpa olunmuşdur. Muzeyin əməkdaşları ziyarətçi sayının az olmasından şikayətlənir: tanınmış marşrutlardan kənar bu məkana hər turist gəlib çıxmır.
Muzey bazar ertəsindən cümə gününədək saat 10:00-dan 18:00-dək işləyir.
Адрес: İoseb Qriqoşvili küç., 41
Azərbaycan Məlumat Mərkəzi
Rustaveli prospektində teatr binasının düz qarşısında bir ay əvvəl Azərbaycan Məlumat Mərkəzi açıldı. Azərbaycan haqqında heç nə bilməyən xarici turistlər bu mərkəzlə azərbaycanlılardan daha çox maraqlanır. Səyyahların diqqətini parlaq və gözəl vitrinləri ilə çəkən bu Mərkəzin mehriban əməkdaşları onlara hər bütün lazımi məlumatları verməyə hazırdır. Burada siz bizim qozun, qurudulmuş meyvələrin və Azərbaycan pivəsini dada, başınıza çoban papağını qoya, nərd oynaya, və xüsusi divar lövhələrində ölkəmiz haqqında videoçarx izləyə bilərsiniz. Mərkəzə gələn qonaqlar (işçilərin sözlərinə görə gündə təxminən 60-80 nəfər gəlir) özlərilə açıqcalar, yaxşı əhval-ruhiyyə və Azərbaycana ziyarət etmək arzusunu apara bilər.
Адрес: Rustaveli pr., 16
Tiflisdə olduğunuz zaman hökmən bu məkanları ziyarət edin. Bu məkanlar bir-birinə yaxın məsafədə yerləşir. Bəs siz Tiflisdə hansı Azərbaycan görməli yerlərini tanıyırsınız?
