Virtual reallıq texnologiyasının inkişafı ilə "evdən kənara çıxmama" asanlaşdmışdır.  Əvvəllər Fransa krallarının məşhur sarayına baxmaq üçün Fransaya səfər etmək lazım gəlirdi. Hazırda bu problem VR eynəyi və bir siçan tıklaması ilə həll olunur.

Château de Versailles ilə birlikdə Google Arts & Culture sizin üçün saray muzeyinə "Versailles: The Palace is Yours" adlı virtual tur hazırlamışdır. Burada siz növbə gözləmədən 21 otağa, 100 rəsm əsəri və heykələ baxış keçirə bilərsiniz. Həmçinin siz dünyanın ən böyük parkı sayılan Versal parkında da "olacaqsınız".

Versalı öz gözlərinizlə görməyiniz və turistlər arasında itməməyiniz üçün istehsalçılar 132.000 fotoşəkil çəkib və dörd terabayt məlumat üzərrində işləyib. Hazırda bu layihə sarayın ən böyük virtual turudur.

Gəzinti zamanı sizi Versal tarixi haqqında məlumat verəcək, eləcə də sizi Versalın məşhur otaqları və sənət əsərləri ilə tanış edəcək interaktiv bələdçi müşayiət edəcək.  Məs., siz XIV Lüdovik onu öz iqamətgahı etmək fikrinə düşməzdən əvvəl bu sarayın ovçu qalası kimi tikildiyini öyrənəcəksiniz.

VR eynnəyini hələ əldə etməmisinizsə, Google Poly platformasındakı 3d-vizuallaşdırmadan istifadə edə bilərsiniz. Google Arts & Culture veb saytında isə çox maraqlı onlayn sərgisi keçirilir: Mariya Antuanettanın zərgərlik şkafı və kral çarpayısı da daxil olmaqla dörd yüzə yaxın tarixi əşyanın onlayn-nümunəsi artıq baxışa hazırdır.

Sizə xoş gəzintilər arzulayırıq!