"Azərbaycan Dəmir Yolları" QSC Avropada tanınmış İsveçrə şirkəti Stadler Rail Group-a 20 sərnişin vaqonundan ibarət iki qatar sifariş edib. Bu sürət qatarları Tiflis və Qarsda dayanmaqla Türkiyənin paytaxtına rahat sərnişin daşınmasına zəmanət verir.

Hər bir qatar doqquz sərnişin vaqonu və bir restoran vaqonundan ibarətdir. Mövcud vaqon kateqoriyaları:

• 1-ci sinif "Lyuks", duş ilə təchiz olunmuşdur;
• 1-ci sinif "Komfort+", duş ilə təchiz olunmuşdur;
• 1-ci sinif "Komfort"
• Əlilliyi olan sərnişinlər üçün əlavə yerlərlə təchiz olunmuş 2-ci sinif;
• Dörd yerlik kupelərlə təchiz edilmiş 2-ci sinif;
• Restoran vaqonu.

Bütün vaqonlarda kondisionerlər və televizorlar var.

Qatar 257 sərnişin üçün nəzərdə tutulub: kateqoriyadan asılı olaraq vaqonlarda müvafiq olaraq 16, 18, 20 və 32 sərnişin yerləşdirilir.

Azərbaycanlı blogger Xanlar Məmmədov artıq vaqonların içərisində olmuşdur və öz bloqunda bütün xırdalıqlar barədə ətraflı danışır:

Yeni qatarların vaqonlarını daşıyan arabalar eninə hərəkətə gətirilə bilir. Bu arabalarla təchiz olunmuş vaqonlar bir dəmiryol xəttindən digərinə rəvan keçidi təmin edir. Gürcüstan-Türkiyə-Gürcüstan sərhəd-buraxılış məntəqəsinin dəmiryol hissəsində dəmiryol arabalarının təkərlərini 1520 mm-dən 1435 mm-ə və əksinə avtomatik çevirən xüsusi cihaz qurulub.

Bakı-Tbilisi-Qars yolunda sərnişin qatarlarının maksimal sürəti saatda 160 km-dir. Orta hərəkət sürətinin 100-130 km/saat səviyyəsində olması nəzərdə tutulub. Hazırda bu surətlə qatarlar Bakıdan Gəncəyə və əksinə hərəkət edir. Səyahət müddəti 4 saat 15 dəqiqə çəkir.

Qatarın Tiflisə çatması üçün 7 saat, Qarsa 12 saat, Ankaraya isə 34-36 saat lazım olacağı güman edilir. Bu müddətin əhəmiyyətli hissəsi iki dəfə sərhədin keçilməsi zamanı gömrük nəzarətinə sərf olunacaq.

Bilet qiymətləri sürət qatarı vaqonlarının sinfindən asılı olaraq dəyişəcək. Qiymətlər haqqında daha ətraflı məlumat bir müddətdən sonra veriləcək.