Xanımları hansı kişi ətri cəlb edir? Biz Bakı Facebook "qadın qrupları" da sorğu keçirdik və bu sirri ğöyrəndik. Diqqət edin, kişilər!

1. Nasomatto Black Afgano

Brendi "Dəli söküntü" kimi tərcümə olunan və heç zaman heç bir qaydaya riayət etməyən Alessandro Qualtyeri adlı parfümer əla ətirlərin müəllifidir. Kəşf etdiyi bu ətir narkotik maddənin adını daşıyr. Müəllif bu ətrin tərkibinə insan psixiki durumuna təsir edən otların həqiqətən də daxil olduğunu deyir. Lakin bunu yoxlanaq imkanımız yoxdur: ətrin tərkibi hamıdan ciddi şəkildə gizlədilir. Ətri yalnız qoxulamaq olar: çətənə və yaşıl çalarlar üst notları, odun, qəhvə, qatran və tütün ürək notlarını, buxur və ud rayihələri baza notlarını formalaşdırır.

2. Dior Fahrenheit

Dəri və bənövşəyi notlu parlaq akkorda malik bu ətrin qoxusu burbon vanilinin notları ilə zənginləşdirilmişdir. Bu qeyri-adi ətrin inanılmaz cazibəsi müxtəlif inqridiyentlərlə gücləndirlmişdir: ağ sidr, müşk və səndəl.

3.Salvatore Ferragamo Uomo

Təravəti ilə ovsunlayan odun qoxusu parlaq və isti berqamot, qara bibər və hil ətri ilə əvəz olunur. Ətirin ürəyinə zərif tiramisu notları daxildir. Palitranı səndəl ağacı, tonka paxlası və kəşmir ağacı notları palitranı tamamlayır.

4. Creed Aventus

Meyvəli rayihələr qrupuna aid olan ədviyyəli odun notlu Creed Aventus ətri 2010-cu ildə Oliver Krid və Edvin Krid adlı parfümerlər tərəfindən kəşf olunmuşdur. Tarixi şəxsiyyətlərə həsr olunmuş ətirlər sırasını davam etdirən bu ətir böyük sərkərdə Napoleon Bonapartın şərəfinə yaradılmışdır. Ətrin hər bir inqrediyentinin I Napoleonun şəxsiyyəti ilə bağlılığı var. Belə ki, onun üst notlarına imperatorun doğlma məkanını simvolizmə edən qara Korsika qarağatı, böyük sərkərdənin çoxlu sayda şərəfli qələbə qazandığı İtaliyadan gətirilmiş berqamot, Napoleonun taxta çıxdığı Fransadan gətirilmiş ağ kalvil növlü alma və onun ən çox sevdiyi Kral Ananası desertinin rayihələri daxildir.

5. Sauvage Dior

Bu ətir Dior rayihələrinin yaradıcısı Fransua Demaşinin axtardığı tarazlıqdır. Xüsusi qayğı ilə seçilmiş təbii inqrediyentlərin ətri Kalabriya barmaqotunun meyvəli təravəti ilə zənginləşdirilmişdir. Ətrin şleyfi qiymətli boz ənbərdən alınmış ambroksandan təşkil edilmişdir. Kompozisiyanın sonluğuna qiymətli ağ sidr rayihəsi daxildir.

6. Chanel Egoiste

Chanel Egoiste rayihəsi ekzotik akkordların kişinin aqressivliyi və həssaslığı vəhdətinə əsaslanır. Bu parfümlar özündə aristokrat odun qoxusunu və sitrus meyvələrinin rayihəsini çox heyrətamiz şəkildə birləşdirir. İlk notlar Siciliya portağalı, maxahoni, keşniş və çəhrayı ağac, ürək notları Dəməşq qızılgülü, mixək və darçın, baza notları isə vanil, dəri akkordları, səndəl ağacı, ənbər və tütün rayihələrindən təşkil olunmuşdur.

7. Tom Ford Oud Wood 

Tom Fordun "Private Blend" ətir kolleksiyasına 2007-ci ildə yeni uniseks Oud Wood ətri əlavə edildi. Bu Şərq odun parfümu daha çox aqar ağacı kimi tanınan ud odununun qatranlı tüstülü rayihəsi ətrafında qurulmuşdur. Şərq ədviyyatları ilə vəhdətdə bu olduqca nadir və qiymətli komponent özünəməxsus maraqlı xüsusiyyətlərə malikdir. Onun nadir və ekzotik notları çəhrayı ağac, hil və paxla çalarları ilə qarışdırılıb.

8. Bleu de Chanel

Ənbər və müşk notlu ədviyyəli odun rayihəsi. Bu ətrin həssaslığı quru sidr notlarına əsaslanır. Müşklü odun və Yeni Kaledoniyadan gətirilmiş səndəl ağacı notları rayihəyə zəriflik və dərinlik verir.

9. Ermenegildo Zegna Italian Bergamot 

Mərkəzinə Zegna berqamotu duran kolleksiyanın əfsanəvi və aparıcı ətri. Əsas sitrus notunu ədviyyəli bibər rayihəsi təşkil edir. Rozmarinin təravətli çaları klassik kostyumun düz cizgilərini xatırladır, nerolun həssaslığı, vetiverin hərarəti və paxlanın isə zərif notları rayihənin dərin və çoxşaxəli tərkibini təşkil edir.

10. Paco Rabanne Pure XS 

Bu rayihə buzlu və odlu çalarlardan təşkil olunub: üst not zəncəfil, kəklikotu və berqamot, mərkəzi not vanil, darçın, dəri, likyor və alma, baza notu isə sidr, şəkər, əsas not ağ sidr, mirra, şəkər, kaşmeran və paçuli rayihələrindən təşkil olunmuşdur.

11. Calvin Klein Obsession Night

Rayihə strukturunun üst hissəsində təravətli su notu və armud ətri yer almışdır. Mərkəz Şərq çalarlı isti notlardan təşkil olunmuşdur. Baza isə müşk, vanil və dəri notlarından ibarətdir.

12. Kilian Straight to Heaven

Bu ədviyyəli odun ətri 2006-ci ildə işıq üzü görmüşdür. Bu kompozisiyanın üst notları müşk qozunun, mərkəzi notları rom və paçuli yarpağı, baza notları isə Kalabriya sidri rayihələrindən təşkil olunmuşdur.

13. Armani Acqua di Gio Homme

Armani Acqua di Gio Homme ətrinin yaradılmasında əsas ilham mənbəyi Pantelleriya şimal sahili olmuşdur. Bu vəhşi küləklər diyarının sahilində dalğalar qayalı sahilə çırpılır. Dənizin və təbiətin çılğınlığını əks etdirən bu ətrin tərkibində berqamot, xurma, müşk, paçuli və sidr notları da var. 

14. Hermès Voyage d'Hermès

Bu ətrin tərkibindəki qeyri-adi birləşmələr həm qadın, həm də kişi üçün təravətli, odunlu, müşklü canlandırıcı və sakitləşdirici effekt yaradır. Hermès şirkətinin dizayneri Philippe Mouquet Voyage d’Hermès ətri üçün hərəkəti əks etdirən səyahətlər və səfərlər mövzusunda rahat flakon yaradıb.

15. Antonio Banderas Seduction Men

Şərq motivli bu ətir meyvəli-aromatik rayihələr qrupuna aiddir. Üst notlara dəniz suyu rahiyəsilə vəhdətdə qara qarağat, nanə sərinliyi və təravətli yemiş rayihələri daxildir. Hil, müşk qozu və yemiş çalarları ilə yaşıl almanın heyrətamiz təravəti bu kompozisiyanın ürəyini təşkil edir. Quruluş piramidasının əsasında sirli kəhrəba, canlandırıcı kapuçino və ənbər ağacı şleyfi dayanır. 

Düşünürük ki, sizin üçün "Bakılı xanımlar bu yay hansı ətirlərdən istifadə ediblər?" məqaləsi də maraqlı ola bilər.