“Bilirsinizmi, hər il dekabrın 31-də biz dostlarımla mən hamama gedirəm. Bu, bizim ənənəmizdir. ”

"Qəribə təsadüf və ya həmişə təmizlikdə" kinoflimi

Yeni ilə çox az müddət qalmış biz bu bayram ərəfəsində hamama getmək ənənəsini xatırlayırıq. Kim bilir, bəlkə də ziyarətiniz Leninqrada planlaşdırılmamış səfər və ya sadəcə keyfiyyətli istirahətlə nəticələnəcək.

Atilla Hamam & Fitness

Atilla Hamam & Fitness – Azərbaycanda analoqu olmayan və inşası 4-5 milyon manata başa gələn bir layihədir. Burada fin, rus və türk hamamları, yaş və quru buxar otaqları, fototerapiya otağı, duz otağı, yağış otağı, buxar çəlləkləri, çox nadir hallarda rast gəlinən buzlu və isti hovuzlar var.

Zəngəzur

Bütün sanitariya standartlarına cavab verən geniş və müasir hamam. Xidmətlər arasında türk hamamı, quru və ya nəm buxarlı buxar otağı, kisə, masaj, geniş hovuz var.

Sultan Hamam

Şəhərin səs-küyündən can qurtarmağa, gücünü bərpa etməyə və canlanmağa ehtiyac duyanlar üçün rahat və təmiz bir məkan. Rahat istirahət və sağlamlığınız üçün burada hovuz, türk, fin və rus hamamları var. Həmçinin burada sizə pivə və müxtəlif qəlyanaltılar təklif edəcək kafe də fəaliyyət göstərir.

Xan Hamam

Yaxşı istirahət üçün bütün lazımi prosedurları olan orijinal bir hamam. Burada buxar otağı, müxtəlif növ hamamlar, pillinq və masaj, şirkətlər üçün VIP otaqları və böyük bar-restoran var. Restoranda xüsusi məqam orijinal çay xidmətidir. Necə xidmət edilir, bildirmərik, belə daha maraqlı olar!

Təzə Bəy Hamamı

İllər əvvəl açılmış ən məşhur Bakı hamamı. Gözəl interyerlə bərabər bu məkan öz xidmətləri ilə də məşhurdur. Burada türk, fin və rus hamamları, sauna, buz otağı, quru buxar çəlləyi, masaj, kisə və s. var.

HamamBath

Hamam ayrıca bir imarətdə yerləşir və qonaqlarını öz gözəl interyeri və keyfiyyətli xidmətləri ilə sevindirir. Xidmətlər arasında fin, rus, türk hamamları, kisə, masaj, pillinq, açıq havada hovuz və s. var.

Həmişə təmizlikdə!